ДЗЯРЖОРГАНЫДЗЯРЖОРГАНЫ
Флаг Пятніца, 19 жніўня 2022
Мінск Суцэльная воблачнасць +25°C
Усе навіны
Усе навіны
Палітыка
06 мая 2022, 13:51

Сямашка: большасць з 28 саюзных праграм павінна быць напоўнена канкрэтыкай да 1 ліпеня

Уладзімір Сямашка
Уладзімір Сямашка

6 мая, Масква /Эдуард Півавар - БЕЛТА/. Работа над зацверджанымі ў мінулым годзе прэзідэнтамі Беларусі і Расіі 28 саюзнымі праграмамі ідзе поўным ходам, большасць з іх павінна быць напоўнена канкрэтыкай ужо да 1 ліпеня бягучага года. Аб гэтым заявіў журналістам пасол Беларусі ў Расіі Уладзімір Сямашка сёння пасля цырымоніі ўскладання вянка да Вечнага агню каля Магілы Невядомага Салдата ў Маскве, перадае карэспандэнт БЕЛТА.

Пасол нагадаў, што кіраўнікі дзвюх дзяржаў зацвердзілі таксама праграму далейшых дзеянняў па рэалізацыі Дагавора аб стварэнні Саюзнай дзяржавы, разлічаную да 2024 года. "За тры гады мы павінны стварыць матэрыяльную базу Саюзнай дзяржавы, - удакладніў ён. - Было ўжо шмат зроблена па вырашэнні сацыяльных пытанняў, у нас няма граніцы, мы праводзім адзіную міжнародную і абаронную палітыку. Але што датычыцца эканамічнай базы, то яе пакуль па-сапраўднаму не было".

"Стварэнне адзінай эканамічнай базы Саюзнай дзяржавы вырашаецца праз рэалізацыю 28 саюзных праграм, якія прадугледжваюць стварэнне адзіных рынкаў газу, нафты, транспарту, уніфікацыю фінансавай, падатковай, мытнай сфер і гэтак далей, - адзначыў Уладзімір Сямашка. - Работа ідзе поўным ходам. Больш як палавіна гэтых праграм, дакладней іх напаўненне, павінна адбыцца ўжо да 1 ліпеня бягучага года. Гэта значыць мы павінны ўжо будзем разумець, якім, напрыклад, будзе газавы рынак, на якіх умовах ён будзе працаваць. Для нас зразумелая мэта - мы павінны прыйсці да таго, каб цана газу для Беларусі была вельмі блізкай да той, што маюць Смаленск, Пскоў, Вялікі Ноўгарад. Тое ж па нафце і гэтак далей".

"Гэта значыць ідзе работа па напаўненні гэтых саюзных праграм. Паўтару, большасць павінна быць вырашана да 1 ліпеня бягучага года і з другога паўгоддзя павінны працаваць у гэтых умовах. А некаторыя, больш складаныя пытанні - уніфікацыя падатковых і мытных заканадаўстваў і гэтак далей - будуць рэалізаваны да наступнага года. Але ў цэлым усё падводзіцца да таго, што мы ўсё павінны наладзіць, усе дакументы павінны быць адпрацаваны", - расказаў дыпламат.

Бакам трэба будзе правесці вялікую работу. "Паводле экспертнай ацэнкі, трэба прыняць каля 400 дакументаў. Прычым гэта дакументы рознага ўзроўню, міжурадавыя і міждзяржаўныя пагадненні, змяненне заканадаўчай базы Беларусі і Расіі", - адзначыў Уладзімір Сямашка

"Тады з 1 студзеня 2024 года мы пачнём рэальна працаваць у адзіным рынку і адзінай эканамічнай прасторы", - рэзюмаваў пасол.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі