19 снежня, Мінск /Кар. БЕЛТА/. Прэзідэнт Расіі Уладзімір Пуцін падкрэсліў значнасць імпартазамяшчальных сумесных праектаў для абедзвюх краін - і Беларусі, і Расіі. Аб гэтым ён заявіў журналістам па выніках перагавораў з Прэзідэнтам Беларусі Аляксандрам Лукашэнкам, перадае карэспандэнт БЕЛТА.
Расійскі лідар падкрэсліў, што прадпрыемствы дзвюх краін падтрымліваюць цесныя кааперацыйныя сувязі.
"На фінансаванне перспектыўных імпартазамяшчальных сумесных праектаў у машынабудаванні, станкабудаванні, электроніцы Расія дадаткова выдзеліла нашым беларускім партнёрам 105 млрд рублёў (расійскіх рублёў. - Заўвага БЕЛТА). Хачу адзначыць, што гэта ўзаемавыгадныя праекты, яны патрэбны не толькі Беларусі і не толькі для атрымання гэтага фінансавання, яны патрэбны Расіі для таго, каб запоўніць наш рынак, асабліва пасля таго, як частка замежных кампаній з нашага рынку сыходзіць", - сказаў кіраўнік дзяржавы.-0-
