ДЗЯРЖОРГАНЫДЗЯРЖОРГАНЫ
Флаг Чацвер, 24 чэрвеня 2021
Мінск Пераменная воблачнасць +21°C
Усе навіны
Усе навіны
Палітыка
15 мая 2021, 12:36

Пасол Беларусі ў Вялікабрытаніі Максім Ермаловіч уручыў даверчыя граматы каралеве Лізавеце ІІ

Фота з архіва
Фота з архіва

15 мая, Мінск /Кар. БЕЛТА/. Надзвычайны і Паўнамоцны Пасол Беларусі ў Злучаным Каралеўстве Вялікабрытаніі і Паўночнай Ірландыі Максім Ермаловіч уручыў даверчыя граматы каралеве Лізавеце II. Аб гэтым беларускі дыпламат паведаміў на сваёй старонцы ў Facebook, паведамляе БЕЛТА.

"Сёння ўручыў даверчыя граматы ў якасці пасла Беларусі каралеве. Гэта была вельмі цёплая гутарка з Яе Вялікасцю і святочная нагода ў лепшай традыцыі каралеўскага пратакола", - напісаў Максім Ермаловіч.

Пазней у прэс-службе МЗС Беларусі паведамілі, што ўрачыстая цырымонія прайшла ў афіцыйнай лонданскай рэзідэнцыі брытанскіх манархаў - Букінгемскім палацы. Каралева прымала ўдзел у цырымоніі ў рэжыме відэаканферэнцыі. "У час кароткай размовы бакі выказалі ўзаемныя намеры аб развіцці эканамічнага і гуманітарнага супрацоўніцтва паміж дзвюма краінамі", - расказалі ў беларускім знешнепалітычным ведамстве.

Вядома, што ў канцы красавіка Лізавета II таксама прымала ў замежных дыпламатаў даверчыя граматы ў анлайн-фармаце па відэасувязі.

Максім Ермаловіч быў назначаны паслом у Вялікабрытанію ў ліпені 2020 года. Як заявіў у час яго назначэння Прэзідэнт Беларусі Аляксандр Лукашэнка, экс-міністра фінансаў мэтанакіравана рыхтавалі на гэту дыпламатычную пасаду. "Дарэчы, яго рэкамендуе Мішусцін (прэм'ер-міністр Расіі. - Заўвага БЕЛТА). Вельмі шмат пра яго расказваў, нават тое, чаго я не ведаў. Ён вельмі добрага меркавання пра нашага міністра фінансаў. Калі я сказаў, што ён едзе ў Вялікабрытанію, ён са шкадаваннем да гэтага паставіўся", - расказаў кіраўнік беларускай дзяржавы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі