ДЗЯРЖОРГАНЫДЗЯРЖОРГАНЫ
Флаг Чацвер, 1 снежня 2022
Мінск Малавоблачна -8°C
Усе навіны
Усе навіны
Палітыка
23 верасня 2022, 16:31

Пасяджэнне міжурадавага савета СНД па пытаннях АПК пройдзе ў лістападзе ў Мінску

Фота з архіва
Фота з архіва

23 верасня, Масква /Эдуард Півавар - БЕЛТА/. Пасяджэнне міжурадавага савета па пытаннях аграпрамысловага комплексу СНД запланавана на 17 лістапада ў Мінску. Яго правядзенне анансаваў сёння ў Маскве на пасяджэнні Эканамічнага савета СНД віцэ-прэм'ер Беларусі Ігар Петрышэнка, паведамляе БЕЛТА.

"Паколькі на савеце запланавана абмеркаванне сумесных антыкрызісных мер у сферы АПК і ўзгадненне стратэгіі развіцця і ўзаемадзеяння харчовых сістэм нашых дзяржаў, просім паважаных членаў савета забяспечыць прадстаўленасць на гэтым мерапрыемстве на ўзроўні кіраўнікоў міністэрстваў сельскай гаспадаркі", - звярнуўся беларускі віцэ-прэм'ер да ўдзельнікаў пасяджэння Эканамсавета СНД.

Ён выказаў надзею, што міжурадавы савет па пытаннях АПК будзе такім жа рэзультатыўным, як і нядаўняе пасяджэнне Савета па прамысловай палітыцы, якое прайшло ва Узбекістане.

Паводле інфармацыі прэс-службы Выканкама СНД, Эканамсавет СНД разгледзеў шырокае кола пытанняў эканамічнага супрацоўніцтва. Кіраўнікі дэлегацый абмяняліся меркаваннямі па актуальных пытаннях эканамічнага ўзаемадзеяння ў СНД, у прыватнасці абмеркавалі ход рэалізацыі прынятага на чэрвеньскім пасяджэнні Эканамсавета пераліку сумесных мер рэагавання на ўзнікаючыя праблемы. Разгледжана пытанне "Аб праекце пагаднення аб свабодным гандлі паслугамі, заснаванні, дзейнасці і ажыццяўленні інвестыцый". Асноўнымі мэтамі дакумента з'яўляюцца забеспячэнне ўстойлівага развіцця функцыянавання зоны свабоднага гандлю як паслугамі, так і таварамі, лібералізацыя ўмоў інвестыцыйнай дзейнасці.

Аб рэалізацыі міждзяржаўнай праграмы інавацыйнага супрацоўніцтва краін СНД на перыяд да 2030 года і фарміраванні агульнай інавацыйнай прасторы па такіх напрамках, як штучны інтэлект, робататэхніка, квантавыя тэхналогіі, далажыў старшыня Міждзяржаўнага савета па супрацоўніцтве ў навукова-тэхнічнай і інавацыйнай сферах, старшыня Дзяржаўнага камітэта па навуцы і тэхналогіях Беларусі Сяргей Шлычкоў.

Адобраны праект пагаднення аб супрацоўніцтве дзяржаў СНД па папярэджанні і рэагаванні на надзвычайныя сітуацыі ў галіне грамадскай аховы здароўя санітарна-эпідэміялагічнага характару. У дакуменце вызначаны асноўныя напрамкі і парадак работы спецыялізаваных проціэпідэмічных брыгад, вызначаны прыярытэтны пропуск праз дзяржаўныя граніцы бакоў.

Разгледжаны праекты дзвюх канцэпцый: лічбавай трансфармацыі галін хімічнага комплексу дзяржаў СНД і навукова-тэхнічнага і тэхналагічнага супрацоўніцтва. На пасяджэнні адобраны праект міждзяржаўнай радыёнавігацыйнай праграмы на 2023-2026 гады. У яе рамках плануецца выкананне сумесных мерапрыемстваў па распрацоўцы і стварэнні радыёнавігацыйных сродкаў на аснове выкарыстання сігналаў навігацыйных сістэм наземнага і касмічнага базіравання на электроннай кампанентнай базе пераважна распрацоўкі дзяржаў СНД.

Членамі Эканамічнага савета адобраны праект плана сумесных дзеянняў па процідзеянні ўстойлівасці да процімікробных прэпаратаў, а таксама праект палажэння аб базавай арганізацыі ацэнкі тэхналогій аховы здароўя, кантролю якасці і фінансавання медыцынскай дапамогі дзяржаў - удзельніц СНД.

Наступнае пасяджэнне Эканамічнага савета СНД пройдзе 9 снежня ў Маскве.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі