ДЗЯРЖОРГАНЫДЗЯРЖОРГАНЫ
Флаг Пятніца, 2 снежня 2022
Мінск Суцэльная воблачнасць -8°C
Усе навіны
Усе навіны
Палітыка
16 верасня 2022, 09:08

Пагранведамствы Беларусі і Расіі абмеркавалі рэалізацыю ўзгодненай пагранічнай палітыкі

Фота gpk.gov.by
Фота gpk.gov.by

16 верасня, Мінск /Кар. БЕЛТА/. Пагранічныя ведамствы Беларусі і Расіі абмеркавалі рэалізацыю ўзгодненай пагранічнай палітыкі. Аб гэтым БЕЛТА паведамілі ў Дзяржаўным пагранічным камітэце.

У Саратаве 15 верасня адбылося 57-е пасяджэнне Калегіі Пагранічнага камітэта Саюзнай дзяржавы. У ім прынялі ўдзел прадстаўнікі Дзяржаўнага пагранічнага камітэта Беларусі на чале са старшынёй ведамства генерал-лейтэнантам Анатолем Лапо і прадстаўнікі Пагранічнай службы ФСБ Расіі на чале з першым намеснікам дырэктара - кіраўніком Пагранічнай службы Федэральнай службы бяспекі Расіі генералам арміі Уладзімірам Кулішовым.

Удзельнікі мерапрыемства абмеркавалі пытанні, звязаныя з рэалізацыяй узгодненай пагранічнай палітыкі Саюзнай дзяржавы і забеспячэннем пагранічнай бяспекі на знешняй граніцы і прыгранічнай тэрыторыі Саюзнай дзяржавы. Таксама ў рамках парадку дня дэлегацыі разглядалі прапановы па ўдасканаленні ўзаемадзеяння паміж органамі пагранічнай службы Беларусі і пагранічнымі органамі ФСБ Расіі.

Для мадэрнізацыі інфраструктуры і тэхнічнай аснашчанасці падраздзяленняў граніцы завяршаецца работа па падрыхтоўцы праграмы Саюзнай дзяржавы "Развіццё пагранічнай бяспекі Саюзнай дзяржавы", разлічанай на 2023-2027 гады.

Кіраўнікі дэлегацый адзначылі, што прынятыя рашэнні дадуць магчымасць павысіць узровень аператыўнага рэагавання органаў пагранічнай службы Беларусі і пагранічных органаў ФСБ Расіі па спыненні правапарушэнняў на знешняй граніцы Саюзнай дзяржавы ў наступным годзе, а таксама эфектыўна выкарыстоўваць магчымасці пагранічных ведамстваў па вырашэнні ўскладзеных на іх задач.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі