Фота МЗС
(Абноўлена 13:38)
10 чэрвеня, Мінск /Кар. БЕЛТА/. Міністр замежных спраў Беларусі Уладзімір Макей прыняў удзел у пасяджэнні Савета міністраў замежных спраў АДКБ, якое праходзіла ў Ерэване. Аб гэтым БЕЛТА паведамілі ў прэс-службе МЗС.
Кіраўнікі дыпламатычных ведамстваў абмеркавалі міжнародную і рэгіянальную бяспеку, яе ўплыў на бяспеку дзяржаў - членаў арганізацыі.
Членам Савета міністраў замежных спраў была прадастаўлена інфармацыя аб рабоце, якая праводзіцца Сакратарыятам і Аб'яднаным штабам АДКБ па ўдасканаленні механізма крызіснага рэагавання арганізацыі ў сучасных геапалітычных рэаліях.-0-
