5 красавіка, Масква /Эдуард Півавар - БЕЛТА/. Кіраўнікі знешнепалітычных ведамстваў краін СНД сустрэнуцца 14 красавіка ва Узбекістане. Аб гэтым паведаміла на брыфінгу афіцыйны прадстаўнік МЗС Расіі Марыя Захарава, паведамляе карэспандэнт БЕЛТА.
Паводле слоў Марыі Захаравай, 14 красавіка ў Самаркандзе пройдзе пасяджэнне Савета міністраў замежных спраў СНД. "У час сустрэчы кіраўнікі знешнепалітычных ведамстваў абмяняюцца думкамі па актуальных міжнародных і рэгіянальных тэмах, абмяркуюць перспектывы развіцця шматпланавага супрацоўніцтва ў фармаце Садружнасці і падвядуць вынікі ўзаемадзеяння паміж міністэрствамі замежных спраў у мінулым годзе", - сказала яна.
"Асаблівую ўвагу плануецца ўдзяліць пытанням міжнароднай бяспекі, а таксама ўмацаванню сувязей з праваахоўнай, культурна-гуманітарнай і адукацыйнай сферамі", - адзначыла афіцыйны прадстаўнік МЗС РФ.-0-
