Сцяг Серада, 24 красавіка 2024
Усе навіны
Усе навіны
Палітыка
14 снежня 2022, 09:00

Кансультацыі па ўзаемадзеянні прэс-службаў МЗС краін АДКБ адбыліся ў Маскве

14 снежня, Масква /Эдуард Півавар - БЕЛТА/. Кансультацыі кіраўнікоў прэс-службаў (інфармацыйных падраздзяленняў) міністэрстваў замежных спраў дзяржаў - членаў АДКБ на тэму "Аб практычных напрамках узаемадзеяння прэс-службаў МЗС дзяржаў - членаў АДКБ" адбыліся ў Маскве, паведаміў БЕЛТА прэс-сакратар АДКБ Уладзімір Зайнетдзінаў.

У кансультацыях прынялі ўдзел прадстаўнікі міністэрстваў замежных спраў Беларусі, Арменіі, Казахстана, Кыргызстана, Расіі, Таджыкістана, Сакратарыята АДКБ і Аб'яднанага штаба АДКБ.

Генеральны сакратар АДКБ Станіслаў Зась адзначыў важнейшае значэнне супрацоўніцтва на інфармацыйным трэку ва ўмовах імклівага нарастання канфліктнага патэнцыялу ў свеце, актывізацыі як новых, так і традыцыйных выклікаў і пагроз. Ён акцэнтаваў увагу на неабходнасці ўзмацнення аналітычнага складніка АДКБ у медыйнай сферы. Акрамя таго, генеральны сакратар вылучыў значнасць Цэнтра крызіснага рэагавання АДКБ у дзейнасці арганізацыі. "Яго магчымасці дазваляюць у бяспечным і бесперапынным рэжыме быць на сувязі з органамі ўлады і сродкамі масавай інфармацыі дзяржаў-членаў, забяспечваць маніторынг падзей, аператыўна разглядаць і прымаць рашэнні па актуальных пытаннях", - сказаў ён.

Была адзначана актывізацыя публікацый у некаторых СМІ і асобных сегментах блогасферы, якія скажаюць сутнасць, задачы і метады работы АДКБ. Дырэктар Дэпартамента інфармацыі і друку МЗС Расіі Марыя Захарава выступіла па пытанні практычных мер па процідзеянні распаўсюджванню недакладнай інфармацыі аб дзейнасці АДКБ.

Прадстаўнік Цэнтра крызіснага рэагавання АДКБ праінфармаваў удзельнікаў кансультацый аб магчымасцях цэнтра ў інфармацыйным забеспячэнні дзейнасці арганізацыі. Дэлегацыі выказаліся за пашырэнне практыкі задзейнічання патэнцыялу цэнтра, у тым ліку ў пераадоленні новых выклікаў і пагроз у медыясферы.

"Прадстаўнікі Аб'яднанага штаба таксама падзяліліся вопытам арганізацыі Аб'яднанага прэс-цэнтра (АПЦ) у ходзе сумесных вучэнняў войскаў (калектыўных сіл) АДКБ. Бакі выказалі падтрымку прапанове аб разгортванні АПЦ пры ўзнікненні крызісных сітуацый, ва ўрэгуляванні якіх задзейнічаны сілы і сродкі сістэмы калектыўнай бяспекі", - дадаў прэс-сакратар.-0-

Падпісвайцеся на нас у
Twitter
Топ-навіны
Свежыя навіны Беларусі