ДЗЯРЖОРГАНЫДЗЯРЖОРГАНЫ
Флаг Пятніца, 27 студзеня 2023
Мінск -2°C
Усе навіны
Усе навіны
Палітыка
15 лістапада 2022, 20:00

Генеральны сакратар ШАС наведаў Аб'яднаны штаб АДКБ

Чжан Мін. Фота з архіва
Чжан Мін. Фота з архіва

15 лістапада, Масква /Эдуард Півавар - БЕЛТА/. Генеральны сакратар Шанхайскай арганізацыі супрацоўніцтва Чжан Мін, які прыбыў у Маскву для ўдзелу ў нефармальнай сустрэчы вышэйшых адміністрацыйна-службовых асоб АДКБ, СНД і ШАС, наведаў 15 лістапада Аб'яднаны штаб Арганізацыі Дагавора аб калектыўнай бяспецы. Аб гэтым карэспандэнту БЕЛТА паведаміў прэс-сакратар штаба Уладзіслаў Шчагрыковіч.

"Начальнік Аб'яднанага штаба АДКБ генерал-палкоўнік Анатоль Сідараў праінфармаваў генеральнага сакратара Шанхайскай арганізацыі супрацоўніцтва Чжан Міна і службовых асоб сакратарыята ШАС, якія яго суправаджалі, аб асноўных напрамках дзейнасці ў галіне развіцця сістэмы калектыўнай бяспекі, удасканаленні арганізацыі сумесных мерапрыемстваў аператыўнай і баявой падрыхтоўкі войскаў (Калектыўных сіл) АДКБ, сумеснай падрыхтоўкі ваенных кадраў і спецыялістаў для ўзброеных сіл дзяржаў - членаў АДКБ, а таксама аб шматбаковым ваенна-тэхнічным супрацоўніцтве", - расказаў прэс-сакратар.

Дэлегацыя Шанхайскай арганізацыі супрацоўніцтва наведала залу нарад, аснашчаную мультымедыйным абсталяваннем для правядзення мерапрыемстваў міжнароднага ўзроўню, шэраг структурных падраздзяленняў Аб'яднанага штаба АДКБ, а таксама азнаёмілася з гістарычнай экспазіцыяй лекцыйна-выставачнай залы ў Міжнародным ваенным цэнтры.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі