1 чэрвеня, Масква /Эдуард Півавар - БЕЛТА/. Пасяджэнне Еўразійскага міжурадавага савета адбудзецца 7-8 чэрвеня ў Сочы ў вочным фармаце, паведамілі БЕЛТА ў прэс-службе Еўразійскай эканамічнай камісіі.
"Кіраўнікі ўрадаў краін Еўразійскага эканамічнага саюза абмяркуюць рэалізацыю першага пакета мерапрыемстваў па супрацоўніцтве дзяржаў ЕАЭС у рамках кліматычнага парадку дня, далейшае развіццё інтэграванай інфармацыйнай сістэмы і лічбавага парадку дня саюза. Еўразійская эканамічная камісія праінфармуе членаў міжурадавага савета аб выніках маніторынгу выканання плана першачарговых мерапрыемстваў па лічбавізацыі грузавых чыгуначных перавозак у інтарэсах развіцця гандлёва-эканамічнага супрацоўніцтва паміж ЕАЭС і яго дзяржавамі-членамі, з аднаго боку, і КНР, з другога", - расказалі ў прэс-службе.
Таксама члены міжурадавага савета будуць праінфармаваны аб выніках унутрыдзяржаўнага ўзгадненя ў краінах саюза і дапрацоўкі праекта змяненняў ў тэхнічны рэгламент "Аб бяспецы харчовай прадукцыі" і камплекта дакументаў да яго. Акрамя таго, будуць разгледжаны пытанні, звязаныя з правядзеннем эксперымента па прымяненні электронных навігацыйных пломбаў, функцыянаваннем унутранага рынку ЕАЭС, стварэннем і развіццём транспартнай інфраструктуры ў дзяржавах саюза ў напрамках Усход - Захад і Поўнач - Поўдзень, у тым ліку ў рамках спалучэння з кітайскай ініцыятывай "Адзін пояс, адзін шлях".
"Прадстаўнікі камісіі даложаць міжурадаваму савету аб плане мерапрыемстваў па развіцці электроннага дакументаабароту ў марскіх пунктах пропуску краін саюза на 2023-2025 гады; маніторынгу правядзення ацэнкі рэгулюючага ўздзеяння праектаў рашэнняў ЕЭК у 2022 годзе; гадавой справаздачы камісіі аб стане канкурэнцыі на трансгранічных рынках і мерах, якія прымаюцца па спыненні парушэнняў агульных правіл канкурэнцыі на іх, за 2022 год", - дадалі ў ЕЭК.-0-
