ДЗЯРЖОРГАНЫДЗЯРЖОРГАНЫ
Нядзеля, 31 мая 2020
Мінск Воблачна з праясненнямі +14°C
Усе навіны
Усе навіны
Палітыка
03 красавіка 2020, 15:42

Дэпутаты разгледзяць на вясенняй сесіі пытанне аб ратыфікацыі Канвенцыі СЕ аб барацьбе з медфальсіфікатам

Фота з архіва
Фота з архіва

3 красавіка, Мінск /Кар. БЕЛТА/. Беларускія дэпутаты разгледзяць на вясенняй сесіі пытанне аб ратыфікацыі Канвенцыі Савета Еўропы па фальсіфікаванай медыцынскай прадукцыі і аналагічнай злачыннай дзейнасці, што ўяўляе пагрозу для аховы здароўя (Канвенцыя "Медыкрым"). Аб гэтым карэспандэнту БЕЛТА паведаміў намеснік старшыні Пастаяннай камісіі па ахове здароўя, фізічнай культуры, сямейнай і маладзёжнай палітыцы Палаты прадстаўнікоў Аляксандр Шыпула.

Парламентарый расказаў, што канвенцыя забяспечвае прававую яснасць у тым, што трэба лічыць фальсіфікаванай медыцынскай прадукцыяй і злачынствамі, якія ўяўляюць пагрозу для аховы здароўя. Яна дае магчымасць таксама ўстанавіць крымінальную адказнасць і эфектыўнае, суразмернае і стрымальнае пакаранне. "Рэалізацыя дакумента будзе садзейнічаць супрацоўніцтву паміж праваахоўнікамі і медыкамі, удасканаленню міжнароднага супрацоўніцтва шляхам стварэння і ўкаранення шматбаковага механізма абмену інфармацыяй", - адзначыў Аляксандр Шыпула.

Беларусь зможа выкарыстоўваць вопыт і лепшыя напрацоўкі Савета Еўропы і краін - членаў канвенцыі, каб паляпшаць заканадаўства і яго прымяненне ў барацьбе з фальсіфікатам. "Чакаецца, што ўдзел у канвенцыі і дзейнасці, якая арганізавана пад яе эгідай, будзе ўлічвацца буйнымі міжнароднымі кампаніямі пры прыняцці рашэння аб выхадзе на беларускі рынак і пры бізнес-кантактах з беларускімі партнёрамі", - дадаў парламентарый.

Акрамя таго, пашырацца міжнародныя кантакты Міністэрства аховы здароўя і МУС. Спецыялісты змогуць атрымліваць больш інфармацыі аб апошніх тэндэнцыях у сферы барацьбы з медыцынскім фальсіфікатам. У ліку станоўчых момантаў дэпутат назваў пашырэнне ініцыятыў Беларусі на пляцоўцы Савета Еўропы і распаўсюджванне інфармацыі аб беларускіх дасягненнях.

Членамі канвенцыі з'яўляюцца 16 дзяржаў, уключаючы Арменію, Малдову, РФ і Украіну. Яшчэ 16 краін, у ліку якіх і Беларусь, падпісалі дакумент і праводзяць унутрыдзяржаўныя працэдуры для яго ратыфікацыі.

Канвенцыя "Медыкрым" - першы інструмент міжнароднага крымінальнага права, які абавязвае дзяржаў-удзельніц увесці крымінальную адказнасць за вытворчасць фальсіфікаванай медыцынскай прадукцыі, збыт, прапанову да збыту і транспарціроўку фальсіфікаванай медыцынскай прадукцыі, падробліванне дакументаў, а таксама несанкцыянаваны выраб, складзіраванне для збыту, імпарт, экспарт, збыт, прапановы да збыту або размяшчэнне на рынку медыцынскіх вырабаў у парушэнне патрабаванняў аб адпаведнасці.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі