ДЗЯРЖОРГАНЫДЗЯРЖОРГАНЫ
Флаг Аўторак, 31 студзеня 2023
Мінск -1°C
Усе навіны
Усе навіны
Палітыка
21 лістапада 2022, 10:51

Беларусь прымае ўдзел у Генасамблеі МПА АСЕАН у Камбоджы

Фота з архіва
Фота з архіва

21 лістапада, Мінск /Кар. БЕЛТА/. Намеснік старшыні Палаты прадстаўнікоў Нацыянальнага сходу Беларусі Валерый Міцкевіч сёння прыняў удзел ва ўрачыстай цырымоніі адкрыцця 43-й Генеральнай асамблеі Міжпарламенцкай асамблеі АСЕАН, якая праходзіць з 20 па 25 лістапада ў г.Пнампені (Камбоджа). Аб гэтым БЕЛТА паведамілі ў прэс-службе Палаты прадстаўнікоў.

Нацыянальны сход Беларусі ўдзельнічае ў генеральных асамблеях МПА АСЕАН на рэгулярнай аснове з 2011 года ў якасці наглядальніка. У бягучым годзе асамблея праходзіць пад дэвізам "Інвесціраванне ў мір, устойлівае развіццё і аднаўленне пасля COVID-19".

Сёння Валерый Міцкевіч выступіць на пленарным пасяджэнні асамблеі з дакладам. Таксама праграмай візіту прадугледжаны шэраг двухбаковых сустрэч з кіраўнікамі парламенцкіх дэлегацый краін АСЕАН, на якіх плануецца абмеркаваць пытанні актывізацыі ўзаемадзеяння з краінамі Паўднёва-Усходняй Азіі ў розных галінах.

Раней на палях мерапрыемства адбылася пратакольная сустрэча Валерыя Міцкевіча са старшынёй Нацыянальнай асамблеі Каралеўства Камбоджа Хенгам Самрынам. Сустрэча стала прадаўжэннем міжпарламенцкага дыялогу, пачатага ў чэрвені 2012 года з візіту ў Беларусь старшыні Нацыянальнай асамблеі Камбоджы і візіту ў адказ у Камбоджу парламенцкай дэлегацыі Беларусі на чале са спікерам Уладзімірам Андрэйчанкам у лютым 2013 года, у час якога было падпісана Пагадненне аб супрацоўніцтве паміж Палатай прадстаўнікоў Нацыянальнага сходу Рэспублікі Беларусь і Нацыянальнай асамблеяй Каралеўства Камбоджа.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі