17 мая, Масква /Эдуард Півавар - БЕЛТА/. Беларусь і Расія асудзілі распальванне Захадам украінскага крызісу і выступілі за вяртанне Украіны да нейтральнага статусу. Аб гэтым гаворыцца ў сумеснай заяве міністраў замежных спраў Рэспублікі Беларусь і Расійскай Федэрацыі па агульных знешнепалітычных прыярытэтах Расіі і Беларусі, якую Сяргей Алейнік і Сяргей Лаўроў падпісалі па выніках праведзеных сёння ў Маскве перагавораў, паведамляе БЕЛТА.
"Мы асуджаем дзеянні дзяржаў Захаду, накіраваныя на распальванне і зацягванне ўкраінскага крызісу. Лічым, што яго можна ўрэгуляваць палітыка-дыпламатычнымі метадамі, і выступаем за вяртанне Украіны да нейтральнага пазаблокавага статусу і яе адмову ад нацысцкага і мілітарысцкага характару дзяржаўнай палітыкі", - падкрэсліваецца ў дакуменце.-0-
