Сцяг Субота, 18 мая 2024
Усе навіны
Усе навіны
Палітыка
12 красавіка 2024, 12:22

Беларусь і Азербайджан прадоўжаць узаемную падтрымку ў міжнародных арганізацыях

12 красавіка, Мінск /Кар. БЕЛТА/. Міністр замежных спраў Рэспублікі Беларусь Сяргей Алейнік 12 красавіка правёў перагаворы з кіраўніком знешнепалітычнага ведамства Азербайджанскай Рэспублікі Джэйхунам Байрамавым, які ўдзельнічае ў пасяджэнні Савета міністраў замежных спраў СНД. Аб гэтым карэспандэнту БЕЛТА паведамілі ў прэс-службе МЗС.

У час перагавораў была пацверджана нацэленасць Беларусі і Азербайджана на далейшае ўмацаванне двухбаковага супрацоўніцтва. Міністры выказалі перакананасць, што падпісаная ў лютым 2024 года дарожная карта надасць новы імпульс развіццю ўсяго спектра двухбаковых адносін, будзе садзейнічаць прадметнаму пашырэнню і істотнай актывізацыі ўзаемадзеяння дзвюх краін. Дакументам прадугледжана больш за 60 канкрэтных мерапрыемстваў, нацэленых у першую чаргу на развіццё актуальных напрамкаў эканамічнага супрацоўніцтва, нарошчванне аб'ёмаў узаемнага гандлю таварамі і паслугамі.

У ходзе перагавораў разгледжаны шырокі комплекс пытанняў беларуска-азербайджанскага супрацоўніцтва ў палітычнай, гандлёва-эканамічнай, гуманітарнай сферах, узаемадзеянне на міжнародных пляцоўках. Кіраўнікі знешнепалітычных ведамстваў удзялілі асаблівую ўвагу арганізацыі будучых візітаў і кантактаў на вышэйшым і высокім узроўнях, паглыбленню гандлёвых адносін, прамысловай кааперацыі і рэалізацыі сумесных гандлёва-эканамічных праектаў.

Акрамя таго, дасягнута дамоўленасць аб прадаўжэнні ўзаемнай падтрымкі ў рамках міжнародных арганізацый. Абедзве краіны падзяляюць прынцып паважання суверэннага шляху развіцця дзяржавы, недапушчальнасці ўмяшання ва ўнутраныя справы і прымянення незаконных метадаў націску ў міжнародных адносінах.-0-
Падпісвайцеся на нас у
Twitter
Топ-навіны
Свежыя навіны Беларусі