18 мая, Мінск /Кар. БЕЛТА/. Палітыка Польшчы дэструктыўная, і гэта ўжо адчуваюць на сабе ўсе польскія дамашнія гаспадаркі, заявіў карэспандэнту БЕЛТА палітолаг Вадзім Баравік.
Палітолаг канстатаваў: Польшча сёння знаходзіцца пад поўным кантролем ЗША. "Іх палітыка знешняя ў многім дыктуецца Вашынгтонам, пачынаючы ад разгортвання ваенных баз на тэрыторыі Польшчы, заканчваючы тым, што ўрад прымае абсалютна нявыгадныя для Польшчы рашэнні, - сказаў Вадзім Баравік. - Польшча страчвае на транзіце, на тым, што растуць цэны на энерганосьбіты. А цэны на энерганосьбіты - гэта заўсёды рост сабекошту вытворчасці. Гэта значыць любы канечны прадукт, выраблены ў Польшчы, будзе каштаваць даражэй і менш будзе канкурэнтны на сусветных рынках. Будзе назірацца дэфіцыт прадуктаў харчавання ў Польшчы па шэрагу таварных груп. Калійныя ўгнаенні не паступаюць, адпаведна, зноў жа ўраджайнасць будзе ніжэйшай, будзе зноў жа дэфіцыт".
"Польская палітыка сёння дэструктыўная, і гэта ўжо адчуваюць на сабе ўсе польскія дамашнія гаспадаркі. Жыроўкі растуць, асабліва прыватных дамоў, дарагое ацяпленне будзе зімой. Гэта яны яшчэ гэту зіму перажылі па нармальных цэнах, а наступная зіма іх чакае вельмі суровая, - прадоўжыў палітолаг. - Паліва даражэе ў Польшчы, і назіраецца дэфіцыт пэўных таварных груп. Жыллё сёння для нашых так званых палітычных мігрантаў непад'ёмнае. Сёння яны вымушаны выязджаць са сталіцы ў больш маленькія гарады, таму што яны не могуць сабе дазволіць з тымі даходамі, якія яны атрымліваюць у Польшчы, аплачваць якаснае жыллё ў буйных гарадах. Гэта тое, што яны публікуюць у сваіх блогах, на YouTube-канале, скардзяцца на жыццё ў Польшчы, таму што яны могуць сабе дазволіць сёння толькі трэцясортнае жыллё для таго, каб там неяк пражыць".-0-
