5 чэрвеня, Мінск /Кар. БЕЛТА/. Супрацоўніцтва Калінінградскай вобласці з Беларуссю мае трывалую аснову. Аб гэтым заявіў у час сустрэчы з Прэзідэнтам Беларусі Аляксандрам Лукашэнкам губернатар Калінінградскай вобласці Расіі Антон Аліханаў, перадае карэспандэнт БЕЛТА.
Губернатар падкрэсліў, што Беларусь і беларускія рэгіёны - надзейныя партнёры Калінінградскай вобласці. Ён расказаў аб рабоце сваёй дэлегацыі ў Мінску і перспектывах развіцця кантактаў з нашай краінай.
Антон Аліханаў падзякаваў кіраўніку дзяржавы за магчымасць асабістай сустрэчы. "Для мяне і ўсёй нашай дэлегацыі Калінінградскай вобласці гэта вялікі гонар. Хацеў бы адзначыць цёплы, дружалюбны прыём на беларускай зямлі, шчырую гасціннасць, якая традыцыйна аказваецца Калінінградскай дэлегацыі. І рады таму, што мы змаглі аднавіць двухбаковыя візіты пасля кавіднага перапынку. Апошні раз мы сустракаліся ў 2019 годзе", - сказаў губернатар.
"Супрацоўніцтва нашага рэгіёна з Рэспублікай Беларусь, з беларускімі абласцямі мае трывалую аснову, - расказаў Антон Аліханаў. - Наш рэгіён актыўна працуе з Гродзенскай, Гомельскай, Віцебскай, Мінскай, Брэсцкай абласцямі. Сёння ў рамках 18-га пасяджэння расійска-беларускага савета будзе заключана пагадненне аб супрацоўніцтве з Магілёўскай вобласцю".-0-
