У Брэсце на беразе Мухаўца, у раёне Гарадскога саду, прайшла штогадовая сумесная прафілактычная акцыя АСВОД і МНС "Купальны сезон - 2023". Там разгарнуліся тэматычныя пляцоўкі для правядзення віктарын і гульняў, азнаямлення з тэхнікай і абсталяваннем, якія прымяняюць вадалазы і выратавальныя службы. Таксама для публікі былі прадэманстраваны магчымасці работнікаў АСВОД. У акваторыі Мухаўца была змадэлявана сітуацыя, калі ратаваць адначасова давялося двух чалавек, якія апынуліся ў вадзе. У Брэсцкай вобласці цяпер функцыянуе 31 выратавальны пост, 20 з якіх пастаянныя, 8 выратавальных станцый і манеўрана-пошукавая група; усяго з улікам сезонных работнікаў працуюць амаль 250 чалавек, у тым ліку больш за 50 вадалазаў.
На здымку: у час прафілактычнай акцыі.
