Сцяг Субота, 18 мая 2024
Усе навіны
Усе навіны
Інфаграфіка
15 красавіка 2024, 10:00

Да 80-годдзя вызвалення Беларусі. Помнік пагранічнікам у Гродне

Да 80-годдзя вызвалення Беларусі. Помнік пагранічнікам у Гродне У чэрвені 1941 г. савецкія пагранічнікі першымі прынялі на сябе ўдар нямецкай арміі.

Заходнюю граніцу СССР на тэрыторыі Беларусі ахоўвалі заставы чатырох пагранатрадаў Беларускай пагранічнай акругі: 86-й (Аўгустоўскай), 87-й (Ломжынскай), 88-й (Шапятоўскай) і 17-й Чырванасцяжнай (Брэсцкай).

Гераічная абарона цаной тысяч жыццяў

На світанні 22 чэрвеня лінейныя заставы пагранатрадаў зведалі моцны артылерыйскі і мінамётна-кулямётны абстрэл. Пасля першых ашаламляльных залпаў пачуліся галасы камандзіраў: "Застава, у ружжо!"

Пагранічнікі трымаліся да апошняга, ад некалькіх гадзін да некалькіх сутак. Так, 3-я застава лейтэнанта В.М.Усава* змагалася 10 гадзін, сем шалёных атак адбілі 36 байцоў; калі скончыліся патроны, яны падняліся ў штыкавую атаку. Некалькі сутак змагалася з ворагам 10-я застава малодшага лейтэнанта М.К.Ішкова.

У першыя дні вайны загінулі 17 тыс. з 19 тыс. пагранічнікаў Беларускай пагранакругі.

У памяць пра мужнасць пагранічнікаў, якія насмерць стаялі ў першыя дні вайны, створаны мемарыял у Гродне.

Цэнтральная кампазіцыя мемарыяла - "Граніца ў агні": на фоне пагранічных слупоў воіны-пагранічнікі, закрываючы граніцу сваімі целамі, праходзяць праз агнявыя сцены абароны.

15 слупоў сімвалізуюць удзел байцоў з усіх саюзных рэспублік.

Ля падножжа надпіс: "Загінулым, але не пераможаным воінам-пагранічнікам Беларускай пагранічнай акругі".

Ансамбль дапаўняюць гранітныя пліты, якія ўвасабляюць брацкія магілы салдат.

Мемарыял узведзены ў 2004 г., вышыня помніка 6 м.

*В.М.Усаву пасмяротна прысвоена званне Героя Савецкага Саюза.

Крыніцы: адкрытыя крыніцы.
Топ-навіны
Свежыя навіны Беларусі