ДЗЯРЖОРГАНЫДЗЯРЖОРГАНЫ
Флаг Нядзеля, 14 жніўня 2022
Мінск Суцэльная воблачнасць +19°C
Усе навіны
Усе навіны
Эканоміка
26 мая 2022, 11:22

"Вялікі камень" і Карпарацыя развіцця Башкортастана падпісалі мемарандум аб супрацоўніцтве

Фота з архіва
Фота з архіва

26 мая, Мінск /Кар. БЕЛТА/. Адміністрацыя індустрыяльнага парка "Вялікі камень" і Карпарацыя развіцця Башкортастана падпісалі мемарандум аб супрацоўніцтве, паведамілі БЕЛТА ў прэс-службе парка.

Цырымонія падпісання адбылася ва Уфе ў рамках пасяджэння рабочай групы па супрацоўніцтве Рэспублікі Башкортастан і Беларусі.

Дакумент нацэлены на развіццё дзелавых сувязей індустрыяльнага парка з Башкортастанам, узаемадзеянне па пытаннях паляпшэння бізнес-асяроддзя і інвестыцыйнага клімату. Акрамя таго, бакі маюць намер аказваць садзейнічанне ў правядзенні розных сумесных мерапрыемстваў.

Кіраўніцтва адміністрацыі таксама прэзентавала індустрыяльны парк "Вялікі камень" і створаныя ўмовы для вядзення бізнесу.

Кітайска-беларускі індустрыяльны парк "Вялікі камень" - асаблівая эканамічная зона са спецыяльным прававым рэжымам, размешчаная за 25 км ад Мінска. Прыярытэтныя для парка напрамкі - машынабудаванне, электроніка і тэлекамунікацыі, біятэхналогіі, фармацэўтыка, новыя матэрыялы, лагістыка, электронная камерцыя, захоўванне і апрацоўка вялікіх аб'ёмаў даных.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі