6 студзеня, Мінск /Кар. БЕЛТА/. Урад скарэкціраваў правілы гандлю на рынках і іншыя пытанні рэалізацыі тавараў. Гэта прадугледжана пастановай Савета Міністраў ад 30 снежня 2022 года нумар 964, што афіцыйна апублікавана на Нацыянальным прававым інтэрнэт-партале, паведамляе БЕЛТА.
У адпаведнасці з новымі правіламі вызначаны пералік забароненых да продажу на тэрыторыі рынку тавараў. Акрамя таго, карэкціруюцца правілы камісійнага гандлю нехарчовымі таварамі ў частцы ажыццяўлення гандлю транспартнымі сродкамі. Таксама прадугледжаны правілы продажу асобных відаў тавараў і ажыццяўлення грамадскага харчавання.
У дакуменце ёсць палажэнні, якія датычацца выкладкі тавараў з адлюстраваннем дзяржаўных сімвалаў Беларусі. Цяпер іх выкладка павінна будзе праводзіцца асобна ад іншых тавараў і суправаджацца інфармацыйным надпісам "Дзяржаўныя сімвалы Рэспублікі Беларусь".
Акрамя таго, новыя правілы прадугледжваюць недапушчэнне выкладкі алкагольных напіткаў у месцы правядзення разлікаў з пакупнікамі, а таксама на (у) гандлёвым абсталяванні, што непасрэдна прылягае да яго. Гэта правіла не распаўсюджваецца на спецыялізаваныя і (або) фірменныя магазіны па продажы алкагольных напіткаў, магазіны бяспошліннага гандлю, магазіны і павільёны з гандлёвай плошчай 400 кв.м і меншыя, а таксама размешчаныя ў сельскай мясцовасці, аўтамагазіны і аб'екты грамадскага харчавання.
Дакумент уступае ў сілу з 22 студзеня 2023 года.-0-
