ДЗЯРЖОРГАНЫДЗЯРЖОРГАНЫ
Флаг Серада, 30 лістапада 2022
Мінск -3°C
Усе навіны
Усе навіны
Эканоміка
21 верасня 2022, 14:53

У Беларусі расце спажыванне электраэнергіі для ацяплення і гарачага водазабеспячэння жылля

Фота Мінэнерга
Фота Мінэнерга

21 верасня, Мінск /Кар. БЕЛТА/. У Беларусі расце спажыванне электраэнергіі для ацяплення і гарачага водазабеспячэння жылля. Аб гэтым расказаў міністр энергетыкі Віктар Каранкевіч на сустрэчы з працоўным калектывам Бабруйскай ЦЭЦ-2, паведамілі БЕЛТА ў прэс-службе Мінэнерга.

Так, аб'ём спажывання электраэнергіі насельніцтвам для патрэб ацяплення і гарачага водазабеспячэння за студзень - жнівень 2022 года вырас у 1,8 раза ў параўнанні з аналагічным перыядам 2021 года: з 162,5 млн кВт/гадз да 300,5 млн кВт/гадз.

Работа, накіраваная на павелічэнне электраспажывання для мэт ацяплення і гарачага водазабеспячэння, вядзецца па трох напрамках. Першы з іх - будаўніцтва новага электрыфікаванага шматкватэрнага і індывідуальнага жылля. Усяго за пяцігодку плануецца ўвесці каля 2 млн кв.м электрадомаў. Паводле інфармацыі Мінбудархітэктуры і аблвыканкамаў, за 2021 год і сем месяцаў 2022 года ўведзена 473 тыс. кв.м такога жылля.

Таксама праводзіцца работа па пераводзе шматкватэрных жылых дамоў з пячным ацяпленнем на выкарыстанне электраэнергіі. Зацверджаны графікі, у якія ўключаны 106 шматкватэрных дамоў з магчымасцю іх дапаўнення ў выпадку зацікаўленасці грамадзян.

Пашыраюцца работы і па электрыфікацыі эксплуатуемага індывідуальнага жыллёвага фонду для мэт ацяплення і гарачага водазабеспячэння. Гэты напрамак актыўна развіваецца дзякуючы дзеянню стымулюючых тарыфаў, а таксама магчымасці кампенсацыі часткі расходаў грамадзян на электразабеспячэнне эксплуатуемага жыллёвага фонду.

"Штогод расце як колькасць зваротаў грамадзян у энергазабеспячальныя арганізацыі за выдачай тэхнічных умоў на нагрэў, так і працэнт задавальнення такіх зваротаў", - канстатаваў міністр. Усяго за 2019-2021 гады паступіла 67,6 тыс. такіх зваротаў, задаволена 52 тыс., або 77 працэнтаў. За 8 месяцаў 2022 года паступіла ўжо 15,4 тыс. зваротаў, з іх былі задаволены 12,8 тыс., або 83 працэнты.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі