ДЗЯРЖОРГАНЫДЗЯРЖОРГАНЫ
Флаг Нядзеля, 5 лютага 2023
Мінск Суцэльная воблачнасць -9°C
Усе навіны
Усе навіны
Эканоміка
16 лістапада 2022, 10:38

Швакава: беларускія тавары карыстаюцца вялікім попытам сярод расіян

Фота з архіва
Фота з архіва

16 лістапада, Мінск /Кар. БЕЛТА/. Беларускія тавары, асабліва прадукты харчавання, карыстаюцца вялікай папулярнасцю сярод расіян. Аб гэтым карэспандэнту БЕЛТА расказала намеснік старшыні ўрада Разанскай вобласці Расійскай Федэрацыі Юлія Швакава.

Беларускія прадукты харчавання пастаўляюцца ў 77 рэгіёнаў Расійскай Федэрацыі. Немалая частка аб'ёмаў прыпадае на Разанскую вобласць. Намеснік старшыні ўрада Разанскай вобласці адзначыла, што пастаўкі прадукцыі беларускага аграпрамысловага комплексу - адзін з самых вялікіх артыкулаў імпарту ў рэгіён.

"Мы вельмі звязаны з Беларуссю, гэта наш стратэгічны партнёр. Узаемны тавараабарот з пачатку года вырас на 20 працэнтаў. Ваша краіна з'яўляецца першай па тавараабароце з Разанскай вобласцю сярод дзяржаў СНД і ўваходзіць у першую пяцёрку сярод усіх краін, з якімі у нас устаноўлены гандлёвыя адносіны", - сказала Юлія Швакава.

Значную частку аб'ёмаў займаюць пастаўкі ў расійскі рэгіён прадукцыі аграпрамысловага комплексу, у тым ліку прадуктаў харчавання. "Існуючая знешнепалітычная абстаноўка паказвае неабходнасць паглыблення ўзаемадзеяння з беларускім бокам, больш цеснага развіцця кааперацыйных сувязей, а таксама актыўнай рэалізацыі праграм Саюзнай дзяржавы па розных напрамках, у тым ліку харчовай бяспекі", - дадала намеснік старшыні ўрада Разанскай вобласці.

За восем месяцаў 2022 года экспарт беларускай аграрнай прадукцыі ў Расійскую Федэрацыю склаў $5,168 млрд - гэта на чвэрць больш, чым за аналагічны перыяд мінулага года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі