14 лютага, Мінск /Кар. БЕЛТА/. Урад устанавіў на 2023 год нарматывы адлічэнняў ад выручкі ад рэалізацыі прадукцыі (работ, паслуг), якія ажыццяўляюцца арганізацыямі, што ўваходзяць у склад дзяржаўных канцэрнаў, падпарадкаваных Савету Міністраў, на ўтрыманне апаратаў гэтых канцэрнаў. Адпаведная пастанова нумар 119 ад 11 лютага 2023 года афіцыйна апублікавана на Нацыянальным прававым інтэрнэт-партале, паведамляе БЕЛТА.
Згодна з дакументам, нарматывы адлічэнняў устаноўлены ў наступных памерах: "Белдзяржхарчпрам" - 0,155 працэнта, "Белнафтахім" - 0,05 працэнта, "Беллегпрам" - 0,25 працэнта, "Беллеспаперапрам" - 0,16 працэнта.
Пастанова ўступае ў сілу з дня яе афіцыйнага апублікавання і распаўсюджвае сваё дзеянне на адносіны, якія ўзніклі з 1 студзеня 2023 года.-0-
