Фота з архіва
16 жніўня, Мінск /Кар. БЕЛТА/. У Беларусі прадаўжаецца тэрмін дзеяння ліцэнзавання на вываз цукру. Адпаведную пастанову падпісаў прэм'ер-міністр Раман Галоўчанка, паведамілі БЕЛТА ў прэс-службе Савета Міністраў.
Як удакладнілі ва ўрадзе, ліцэнзаванне на вываз белага цукру незалежна ад краіны паходжання прадаўжаецца на паўгода з 18 жніўня.
"Гэта дасць магчымасць урэгуляваць пытанне вывазу цукру, абумоўленага існуючым дыспарытэтам цэн на ўнутраным і знешнім рынках, а таксама забяспечыць гэтым прадуктам унутраны рынак", - падкрэслілі ў прэс-службе.-0-
