Сцяг Чацвер, 18 красавіка 2024
Усе навіны
Усе навіны
Эканоміка
29 студзеня 2024, 16:03

Рагожнік: Беларусь і Зімбабвэ змогуць выйсці на новы ўзровень супрацоўніцтва ў прамысловасці

Фота Мінпрама
Фота Мінпрама
29 студзеня, Мінск /Кар. БЕЛТА/. Беларусь і Зімбабвэ змогуць выйсці на новы ўзровень супрацоўніцтва ў сферы прамысловасці. Аб гэтым заявіў міністр прамысловасці Беларусі Аляксандр Рагожнік у час сустрэчы з міністрам прамысловасці і гандлю Рэспублікі Зімбабвэ доктарам Сітэмбісай Джайл Глэдзіс Ньёні, паведамілі карэспандэнту БЕЛТА ў прэс-службе Мінпрама.

Аляксандр Рагожнік выказаў упэўненасць, што сустрэча на ўзроўні кіраўнікоў міністэрстваў дзвюх краін напярэдадні чарговага пасяджэння міжурадавай камісіі ў Харарэ дасць магчымасць дадаткова ўдзяліць увагу пытанням супрацоўніцтва. "Дзякуючы сумесным намаганням па рэалізацыі двухбаковых праектаў мы зможам дабіцца высокіх вынікаў і выйсці на новы ўзровень двухбаковага супрацоўніцтва", - сказаў міністр.

Беларусь на працягу многіх гадоў планамерна наладжвае адносіны з шэрагам краін Афрыкі, у тым ліку з Зімбабвэ, і гатова прадаўжаць гэту работу. Аляксандр Рагожнік нагадаў, што ў фермерскія гаспадаркі Зімбабвэ ў рамках праграмы па механізацыі сельскай гаспадаркі пастаўлена больш за 1,8 тыс. трактароў і каля 80 збожжаўборачных камбайнаў, што дапамагло забяспечыць харчовую бяспеку краіны.

"У бліжэйшы час будзе рэалізавана трэцяя фаза гэтай праграмы. Яна прадугледжвае больш як 3 тыс. адзінак трактарнай тэхнікі, 80 камбайнаў для мясцовых аграрыяў на працягу бліжэйшых гадоў", - дадаў Аляксандр Рагожнік.

Перспектыўныя напрамкі супрацоўніцтва - рэалізацыя і мадэрнізацыя зернесушыльных комплексаў беларускай вытворчасці, пастаўкі тэхнікі для лясной гаспадаркі, кар'ернай тэхнікі, пасажырскіх аўтобусаў. Гэтыя напрамкі супрацоўніцтва цяпер актыўна прапрацоўваюцца прадпрыемствамі Мінпрама.

Сітэмбіса Джайл Глэдзіс Ньёні пацвердзіла ўзаемную зацікаўленасць у далейшым пашырэнні практычнага супрацоўніцтва і стварэнні трывалай асновы для доўгатэрміновага партнёрства. Удзел у перагаворах прынялі таксама генеральны дырэктар ААТ "МТЗ" Віталь Воўк і генеральны дырэктар ААТ "МАЗ" Валерый Іванковіч.-0-
Падпісвайцеся на нас у
Twitter
Топ-навіны
Свежыя навіны Беларусі