Сцяг Аўторак, 28 мая 2024
Усе навіны
Усе навіны
Эканоміка
22 красавіка 2024, 15:48

Пшонны: Беларусь і Архангельская вобласць у 2024 годзе можа дасягнуць узаемнага тавараабароту каля $100 млн

22 красавіка, Мінск /Кар. БЕЛТА/. Беларусь і Архангельская вобласць у 2024 годзе могуць дасягнуць узаемнага тавараабароту, блізкага да $100 млн. Аб гэтым сказаў старшыня канцэрна "Беллеспаперапрам" Аляксандр Пшонны на чацвёртым пасяджэнні рабочай групы па супрацоўніцтве Рэспублікі Беларусь і Архангельскай вобласці Расійскай Федэрацыі, перадае карэспандэнт БЕЛТА.

 "Нашы ўзаемныя візіты ўжо сталі традыцыйнымі. Сённяшняе мерапрыемства закладзе аснову для далейшага развіцця адносін паміж Беларуссю і Архангельскай вобласцю на дзяржаўным, муніцыпальным узроўнях, у сферы культуры, навукі, адукацыі, а таксама на ўзроўні галіновых вытворцаў", - паведаміў Аляксандр Пшонны.

Паводле яго слоў, усе ўзгодненыя раней сумесныя дакументы паспяхова выконваюцца. "Дынамічна ідзе рэалізацыя плана мерапрыемстваў (дарожная карта) на 2023-2026 гады па рэалізацыі пагаднення паміж урадамі Архангельскай вобласці і Беларусі аб гандлёва-эканамічным, навукова-тэхнічным і гуманітарным супрацоўніцтве", - дадаў ён.

"Эканамічная сфера з'яўляецца асновай для павышэння дабрабыту нашых грамадзян. Сёння мы можам ставіць амбіцыйную мэту - дасягнуць у 2024 годзе ўзаемнага тавараабароту каля $100 млн. Аснова для гэтага закладзена", - падкрэсліў Аляксандр Пшонны.

Кіраўнік канцэрна выказаў упэўненасць, што сённяшняе пасяджэнне будзе плённым і ўнясе значны ўклад у двухбаковае супрацоўніцтва.

У пасяджэнні прымаюць удзел старшыня канцэрна "Беллеспаперапрам" Аляксандр Пшонны, губернатар Архангельскай вобласці Аляксандр Цыбульскі, прадстаўнікі ўрада, міністэрстваў, гарадскіх і раённых адміністрацый, арганізацый, устаноў адукацыі абедзвюх краін.

На пасяджэнні будуць разгледжаны вынікі гандлёва-эканамічнага супрацоўніцтва Беларусі і Архангельскай вобласці ў 2023 годзе, а таксама перспектыўныя напрамкі далейшага ўзаемадзеяння. У прыватнасці, будуць абмеркаваны пытанні супрацоўніцтва ў сферы прамысловасці і паставак пасажырскай тэхнікі, аграпрамысловага комплексу, нетракарыстання, навукі, адукацыі і маладзёжнай палітыкі.

Згодна з пастановай Саўміна, канцэрн "Беллеспаперапрам" адказны за развіццё супрацоўніцтва з Архангельскай вобласцю Расіі. Канцэрнам праводзіцца актыўная работа па распрацоўцы і рэалізацыі сумесных планаў дзеянняў у гэтым напрамку. Паводле даных Нацыянальнага статыстычнага камітэта, у студзені-снежні 2023 года тэмп росту тавараабароту паміж Беларуссю і Архангельскай вобласцю склаў 145 працэнтаў. І тавараабарот, і экспарт у Архангельскую вобласць у 2023 годзе былі рэкорднымі-0-
Падпісвайцеся на нас у
Twitter
Топ-навіны
Свежыя навіны Беларусі