Сцяг Аўторак, 28 мая 2024
Усе навіны
Усе навіны
Эканоміка
26 сакавіка 2024, 09:20

Пастаўкі тэхнікі, АПК, будаўніцтва. Пархомчык аб перспектывах супрацоўніцтва з Омскай вобласцю

26 сакавіка, Мінск /Кар. БЕЛТА/. Намеснік прэм'ер-міністра Пётр Пархомчык абазначыў перспектывы супрацоўніцтва ў час сустрэчы з губернатарам Омскай вобласці Расіі Віталем Хацэнкам, паведамляе карэспандэнт БЕЛТА.

"Дэлегацыі суб'ектаў Расійскай Федэрацыі - заўсёды жаданыя госці ў Беларусі. Мінулы год быў даволі паспяховы ў рамках узаемаадносін нашых краін. Мы дасягнулі рэкорднага тавараабароту, які ўпершыню перавысіў $53 млрд, з тэмпам росту 106 працэнтаў", - адзначыў Пётр Пархомчык. Паводле яго слоў, тавараабарот з Омскай вобласцю склаў $110 млн, гэта невялікі паказчык, але ёсць усе магчымасці для яго павелічэння.

Што датычыцца перспектыўных напрамкаў супрацоўніцтва, віцэ-прэм'ер у першую чаргу адзначыў прамысловасць. "У нас ёсць сумесны праект, які цяпер рэалізуецца ў Беларусі, - прадпрыемства "Омск Карбон Магілёў". У гэтым годзе мы завяршаем падрыхтоўчыя работы і практычна выходзім на праектную магутнасць па выпуску 200 тыс. т вуглевадароду. Гэта прадукцыя будзе карыстацца попытам далёка за межамі Беларусі і Расіі", - падкрэсліў ён.

"Беларусь заўсёды славілася сваім машынабудаўнічым комплексам. Тут мы гатовы прапанаваць розныя віды прадукцыі. У прыватнасці, пасажырскі транспарт. За апошнія тры гады ў Омск былі пастаўлены нашы тралейбусы ў колькасці 111 адзінак. Ведаю, што на бліжэйшы час запланавана набыццё 164 аўтобусаў, якія працуюць на прыродным газе", - расказаў намеснік прэм'ер-міністра.

Паводле яго слоў, лінейка айчыннага пасажырскага транспарту вельмі шырокая - гэта і аўтобусы, і тралейбусы, і трамваі, і электробусы. Акрамя таго, Пётр Пархомчык адзначыў, што Беларусь гатова прапанаваць лесанарыхтоўчую, дарожна-будаўнічую, камунальную і пажарную тэхніку. "У нас ёсць вялікая лінейка пажарных машын. Машыны ствараюцца на базе шасі МАЗ, - паведаміў ён. - У сегменце лесанарыхтоўчай тэхнікі нам удалося цалкам імпартазамясціць усе камплектуючыя, якія раней набываліся ў еўрапейскіх кампаній. Таксама вы добра знаёмы з нашай сельскагаспадарчай тэхнікай вытворчасці МТЗ, "Гомсельмаша".

Таксама Пётр Пархомчык адзначыў, што Беларусь можа прапанаваць Омскай вобласці свае ліфты, станкаінструментальную прадукцыю. Акрамя таго, бакі могуць узаемадзейнічаць у сферы будаўніцтва, жыллёва-камунальнай гаспадаркі і АПК. "Ваш рэгіён з'яўляецца адным з вядучых у Расіі па вырошчванні лёну-даўгунцу. Мы таксама вельмі сур'ёзна працуем у гэтым напрамку. Нам патрэбна рабочая група, каб абменьвацца інфармацыяй па гэтым пытанні",-сказаў віцэ-прэм'ер.

Ён падзякаваў губернатару Омскай вобласці за імкненне пашыраць і паглыбляць шматпланавае ўзаемадзеянне з Беларуссю.-0-
Падпісвайцеся на нас у
Twitter
Топ-навіны
Свежыя навіны Беларусі