ДЗЯРЖОРГАНЫДЗЯРЖОРГАНЫ
Флаг Панядзелак, 30 студзеня 2023
Мінск -1°C
Усе навіны
Усе навіны
Эканоміка
25 лістапада 2022, 13:08

МТЗ зацікаўлены ў пашырэнні супрацоўніцтва з Удмуртыяй

Фота МТЗ
Фота МТЗ

25 лістапада, Мінск /Кар. БЕЛТА/. Мінскі трактарны завод гатовы пашыраць супрацоўніцтва з Удмурцкай Рэспублікай. Аб гэтым заявіў генеральны дырэктар ААТ "МТЗ" Віталь Воўк на перагаворах з губернатарам расійскага рэгіёна Аляксандрам Брачалавым, паведамілі БЕЛТА ў прэс-службе прадпрыемства.

За дзесяць месяцаў гэтага года Мінскі трактарны завод паставіў ва Удмуртыю 107 трактароў BELARUS. Такая ж колькасць была пастаўлена за аналагічны міналагодні перыяд. Пры гэтым адзначаецца адмоўнае сальда. У сувязі з гэтым Віталь Воўк выказаў надзею на новыя напрамкі супрацоўніцтва для забеспячэння росту экспарту трактарнай тэхнікі ва Удмурцкую Рэспубліку. У прыватнасці, ён нагадаў, што трактары - гэта не толькі сельскагаспадарчая, але і камунальная тэхніка, а таксама машыны для дарожнага будаўніцтва і лясной гаспадаркі. "У гэтым напрамку прапаную працаваць актыўней", - сказаў генеральны дырэктар.

Бакі дамовіліся пашырыць супрацоўніцтва - і ў продажах, і ў кааперацыі.

У прэс-службе адзначылі, што ва Удмурцкай Рэспубліцы ўжо некалькі гадоў запар праходзіць "Трактарны біятлон" на трактарах BELARUS 82.1.

Мінскі трактарны завод - адзін з буйнейшых вытворцаў сельскагаспадарчай тэхнікі не толькі ў краінах СНД, але і ва ўсім свеце. На прадпрыемстве працуюць больш за 16 тыс. чалавек. Заказчыкам прапануюцца больш за 100 мадэлей трактароў больш як у 200 зборачных варыянтах для ўсіх кліматычных і эксплуатацыйных умоў. Новыя мадэлі маюць шырокія магчымасці агрэгатавання з сельгасмашынамі розных вытворцаў. МТЗ распрацоўвае, вырабляе і экспартуе колавыя трактары і запасныя часткі да іх, арганізуе на ліцэнзійнай аснове іх вытворчасць за мяжой, аказвае паслугі па наладжванні і правядзенні сэрвісу пастаўленых машын, праводзіць навучанне па эксплуатацыі і тэхнічным абслугоўванні выпускаемай тэхнікі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі