19 красавіка, Мінск /Кар. БЕЛТА/. Лічбавізацыя сёння - асноўны драйвер павышэння эфектыўнасці эканомікі. Аб гэтым журналістам заявіў старшыня Калегіі ЕЭК Міхаіл Мясніковіч на палях ТІБО-2023, перадае карэспандэнт БЕЛТА.
Паводле слоў Міхаіла Мясніковіча, сфера лічбавізацыі ахоплівае мноства розных галін і пытанняў сучаснага грамадства. "Гэта пытанні сацыяльнага забеспячэння, аховы здароўя, матэрыяльнай вытворчасці. Лічбавізацыя - механізм павышэння прадукцыйнасці працы нашай эканомікі і грамадства. Сёння ні ў сферы станкабудавання, ні ў сферы транспарту немагчыма дасягнуць аптымальных высокіх вынікаў без тэхналогій", - адзначыў ён.
18 красавіка на Еўразійскім эканамічным форуме былі акрэслены ўсе напрамкі работы транспартных ведамстваў, у тым ліку для таго, каб грузы і па чыгунцы, і ў аўтамабільных зносінах перамяшчаліся бясшвова. "Гэта павінна быць хутка і надзейна. Таксама мы стараемся зрабіць так, каб гэтыя працэсы былі максімальна камфортныя для перавозчыка. Лічба сёння з'яўляецца асноўным драйверам павышэння эфектыўнасці эканомікі", - сказаў ён.-0-
