ДЗЯРЖОРГАНЫДЗЯРЖОРГАНЫ
Флаг Чацвер, 1 снежня 2022
Мінск Малавоблачна -8°C
Усе навіны
Усе навіны
Эканоміка
03 кастрычніка 2022, 09:09

Мясніковіч абазначыў ключавыя сферы для развіцця кааперацыі ў ЕАЭС

Фота з архіва
Фота з архіва

3 кастрычніка, Мінск /Кар. БЕЛТА/. Старшыня Калегіі Еўразійскай эканамічнай камісіі Міхаіл Мясніковіч у эфіры тэлеканала "Беларусь 1" абазначыў ключавыя сферы для развіцця кааперацыі ў рамках ЕАЭС, паведамляе БЕЛТА.

"Мы добра разумеем, што тыя недружалюбныя крокі, якія прымаюцца аб'яднаным Захадам адносна Расійскай Федэрацыі і Беларусі, ні сёння, ні заўтра не завершацца. Мы павінны гэта ўлічваць і прадаўжаць выбудоўваць сваю работу ва ўмовах, якія складваюцца. У прыватнасці, у нас ёсць шмат рэзерваў, якія мы павінны ў абавязковым парадку задзейнічаць. У першую чаргу гэта датычыцца сумеснай інвестыцыйнай дзейнасці. Цяпер мы разглядаем шмат пытанняў па мікраэлектроніцы. У Беларусі і Расіі ёсць адпаведныя кампетэнцыі, трэба аб'ядноўвацца і ствараць магутныя кластары для развіцця гэтай сферы", - сказаў Міхаіл Мясніковіч.

Другі напрамак, які разглядаецца ў якасці прыярытэтнага, - вытворчасць лякарстваў. "Нягледзячы на тое, што фармацэўтычныя кампаніі ўсіх пяці краін даволі ўпэўнена сябе адчуваюць, мы лічым, што можна было б ствараць новыя заводы па вытворчасці лякарстваў, якія будуць і імпартазамяшчальнымі, а таксама арыентаванымі на экспарт. Мы рэальна глядзім на рэчы, усё замяніць немагчыма, напэўна, да гэтага і не трэба імкнуцца. Аднак, прынамсі, ключавыя лякарствы, якія ў сувязі з санкцыямі сёння ў складаным становішчы, нам можна было б вырабляць", - адзначыў ён.

Яшчэ адзін напрамак - авіябудаванне. "Гэта высокатэхналагічная галіна, якая прывабна для многіх. Мы прапрацавалі адпаведныя прапановы адносна таго, якія камплектуючыя могуць рабіць нашы краіны", - звярнуў увагу старшыня Калегіі ЕЭК.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі