10 мая, Мінск /Кар. БЕЛТА/. У гэтым годзе ў Беларусі плануюць атрымаць 640 тыс. т мяса БРЖ. Аб гэтым расказала начальнік галоўнага ўпраўлення інтэнсіфікацыі жывёлагадоўлі і рыбагаспадарчай дзейнасці Мінсельгасхарча Наталля Соніч, паведамляе БЕЛТА.
"У гэтым годзе мы плануем атрымаць 640 тыс. т мяса БРЖ, што па аб'ёме больш, чым у 2022 годзе. Пры гэтым сярэднясутачнае прыбаўленне ў вазе нам трэба будзе падняць усяго на 15 г. У гэтым годзе ў нас ужо ёсць прырост па БРЖ і ён складае больш за 102 працэнты, а па выніках года чакаем 104 працэнты. Так, да 2025 года плануем выйсці на 713 тыс. т гэтай прадукцыі", - заявіла Наталля Соніч.
У гадоўлі БРЖ у Беларусі выкарыстоўваецца больш як 90 працэнтаў чорна-пярэстай жывёлы. Акрамя таго, 161 сельскагаспадарчая арганізацыя займаецца гадоўляй абердзін-ангусаў, лімузінаў, герэфордаў, а таксама помесі пакаленняў, з іх 32 прадпрыемствы займаюцца чыстапародным развядзеннем.
"У абласцях цяпер актыўна развіваюцца беларускія дзяржплемпрадпрыемствы. Толькі за мінулы год мы рэалізавалі на экспарт абердзін-ангусаў, лімузінаў і герэфордаў больш як на $1 млн", - адзначыла спецыяліст.
Яна запэўніла, што па мясных якасцях усе гэтыя пароды мала чым адрозніваюцца, але на экспарт больш запатрабаваны менавіта абердзін-ангусы і герэфорды. Менавіта таму лімузінаў на гэты момант у нас менш, хоць раней яны ўсе былі па колькасці прыблізна на адным узроўні. Акрамя таго, у Беларусь завезены такія пароды кароў, як бельгійская блакітная і хайлендская.-0-
