ДЗЯРЖОРГАНЫДЗЯРЖОРГАНЫ
Флаг Нядзеля, 25 верасня 2022
Мінск Малавоблачна +11°C
Усе навіны
Усе навіны
Эканоміка
05 ліпеня 2022, 09:01

МАЗ прадставіў тэхніку на выстаўцы ў Екацярынбургу

Фота з архіва
Фота з архіва

5 ліпеня, Мінск /Кар. БЕЛТА/. Мінскі аўтамабільны завод прымае ўдзел у міжнароднай прамысловай выстаўцы "Інапрам", якая з 4 па 7 ліпеня праходзіць у Екацярынбургу, паведамілі БЕЛТА ў прэс-службе прадпрыемства.

На стэндзе завода дэманструюцца апошнія навінкі тэхнікі МАЗ: самазвал для перавозкі скальных парод МАЗ-65262L з платформай АТ "Бецэма" і самазвал для перавозкі інертных матэрыялаў на шасі МАЗ-651628 з платформай вытворчасці Grunwald.

На выстаўцы плануецца падпісанне дакументаў, сярод якіх пагадненне аб намерах у сферы рэалізацыі інавацыйных прампраектаў паміж Міністэрствам прамысловасці, энергетыкі і інавацый Рэспублікі Башкортастан і Мінскім аўтазаводам, пратакол аб намерах паміж ТАА "МАЗ Цэнтр Чэлябінск" і муніцыпалітэтам горада Златауст, а таксама дагавор паміж ТАА ГД "МАЗ-РУС" і ТАА "МАЗ Цэнтр Чэлябінск" на пастаўку поўнапрывадных шасі МАЗ.

Мінскі аўтамабільны завод - адно з буйнейшых беларускіх машынабудаўнічых прадпрыемстваў, якое спецыялізуецца на выпуску велікагрузных аўтамабіляў, спецтэхнікі, аўтобусаў, тралейбусаў і прычапной тэхнікі. Тэхніка адпавядае экалагічным стандартам Еўра-3, 4, 5 і 6. З канвеера завода сыходзяць седлавыя цягачы, бартавыя аўтамабілі, шасі пад устаноўку рознага спецабсталявання - усяго больш за 500 мадэлей і 3 тыс. мадыфікацый.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі