14 лютага, Мінск /Кар. БЕЛТА/. На грамадскае абмеркаванне вынесены праект указа Прэзідэнта "Аб заключэнні здзелак на біржавых таргах", паведамляе БЕЛТА са спасылкай на Нацыянальны прававы інтэрнэт-партал.
Праектам прадугледжана дапаўненне ўказа ад 14 верасня 2006 года нумар 577 "Аб некаторых пытаннях дзейнасці адкрытага акцыянернага таварыства "Беларуская ўніверсальная таварная біржа" нормай аб катэгорыях суб'ектаў, якія вызваляюцца ад заключэння здзелак на біржавых таргах, а таксама на якіх не распаўсюджваюцца нормы аб вызваленні ад заключэння здзелак на біржавых таргах. Акрамя гэтага, праектам указа ўдакладняецца тэрміналогія.
Мэтамі прыняцця дакумента з'яўляюцца стымуляванне продажаў малочнай прадукцыі на біржавых таргах, а таксама ўстараненне неабгрунтаванага і нядобрасумленнага пасрэдніцтва пры закупках тавараў, работ, паслуг і рэалізацыі прадукцыі.
Арганізатар грамадскага абмеркавання - Міністэрства антыманапольнага рэгулявання і гандлю.
Свае заўвагі і прапановы можна выказаць у спецыяльнай тэме на Прававым форуме з 14 па 24 лютага.-0-
