9 чэрвеня, Масква /Эдуард Півавар - БЕЛТА/. У Еўразійскім эканамічным саюзе за апошні год удалося ліквідаваць 8 з 11 зафіксаваных гандлёвых бар'ераў. Аб гэтым на брыфінгу па выніках праведзенага 7-8 чэрвеня ў Сочы Еўразійскага міжурадавага савета, у якім прыняў удзел прэм'ер-міністр Беларусі Раман Галоўчанка, заявіла афіцыйны прадстаўнік Еўразійскай эканамічнай камісіі Ія Малкіна, перадае карэспандэнт БЕЛТА.
Ія Малкіна адзначыла, што тэма гандлёвых бар'ераў пастаянна знаходзіцца ў цэнтры ўвагі на пасяджэннях міжурадавага савета. "Па астатніх трох бар'ерах ідзе актыўная работа, падрыхтаваны адпаведныя праекты нарматыўных актаў, якія здымуць гэтыя бар'еры", - сказала яна.
"Плюс за апошні год мы ўнеслі змяненні ў нашу метадалогію па ліквідаванні бар'ераў, дзе актыўна прымяняецца так званы медыятыўны падыход, калі мы бачым, што ў краінах можа быць прынята рашэнне, якое можа стаць бар'ерам на нашым рынку, і мы прапрацоўваем з дзяржавай-членам магчымасць прыняцця дадатковых рашэнняў, каб гэта пытанне ўрэгуляваць. Гэта ўжо дазволіла нам пяць перашкод устараніць да іх кваліфікацыі ў якасці бар'ера. Па сямі перашкодах, якія не прызнаны пакуль бар'ерамі, але ёсць такая пагроза, вядзецца актыўная работа па прыняцці рашэнняў на нацыянальным узроўні, каб не дапусціць іх узнікнення", - дадала афіцыйны прадстаўнік ЕЭК.-0-
