ДЗЯРЖОРГАНЫДЗЯРЖОРГАНЫ
Пятніца, 3 красавіка 2020
Мінск Пераменная воблачнасць +4°C
Усе навіны
Усе навіны
Эканоміка
07 лютага 2020, 12:39

Кошт квадратнага метра жылля з дзяржпадтрымкай у 2019 годзе быў ніжэйшы за сярэднюю зарплату

Фота з архіва
Фота з архіва

7 лютага, Мінск /Кацярына Марковіч - БЕЛТА/. У Беларусі ў 2019 годзе сярэдні кошт квадратнага метра жылля з дзяржпадтрымкай быў ніжэйшы за сярэднюю зарплату, паведамілі БЕЛТА ў прэс-службе Міністэрства архітэктуры і будаўніцтва.

Згодна са справаздачнымі данымі за мінулы год, сярэдняя цана квадратнага метра жылля з дзяржаўнай падтрымкай (без індывідуальных забудоўшчыкаў) склала Br926 пры зададзеным параметры Br1020, пры гэтым сярэднямесячная заработная плата па рэспубліцы за гэты перыяд была Br1090,9. Такім чынам, забяспечана перавышэнне сярэднямесячнай зарплаты па краіне над коштам аднаго квадратнага метра жылля з дзяржпадтрымкай, а каэфіцыент суадносін гэтых паказчыкаў за 2019 год склаў 0,85, адзначылі ў ведамстве.

Усяго ў мінулым годзе ў Беларусі было пабудавана 4061,95 тыс. кв. м жылля за кошт усіх крыніц фінансавання, або 101,5 працэнта да гадавога задання. З выкарыстаннем дзяржаўнай падтрымкі пабудавана 1165 тыс. кв. м жылля (109,9 працэнта да гадавога задання).

Таксама ў прэс-службе Мінбудархітэктуры паведамілі, што больш як 10,3 тыс. кватэр было пабудавана ў мінулым годзе для шматдзетных сем'яў, 246 сем'яў палепшылі жыллёвыя ўмовы шляхам куплі жылля і 118 сем'яў - шляхам рэканструкцыі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі