21 сакавіка, Мінск /Кар. БЕЛТА/. Кіраўніцтва "АМКАДОРа" і Башкортастана намеціла новыя этапы супрацоўніцтва, паведамілі БЕЛТА ў прэс-службе прадпрыемства.
Кіраўніцтва холдынга "АМКАДОР" наведала Рэспубліку Башкортастан. У ходзе візіту былі агледжаны аб'екты, якія будуюцца: пляцоўка прадпрыемства па вытворчасці машын і абсталявання для пасляўборачнай апрацоўкі збожжа і пляцоўка вытворча-сэрвіснага цэнтра.
Дэлегацыя прыняла ўдзел у нарадзе пад кіраўніцтвам прэм'ер-міністра ўрада Башкортастана Андрэя Назарава, у ходзе якой абмеркавалі патрэбнасці камунальных прадпрыемстваў расійскай рэспублікі ў тэхніцы "АМКАДОР" і намецілі новыя этапы супрацоўніцтва.
Рэалізацыя праектаў холдынга "АМКАДОР" у Рэспубліцы Башкортастан прадаўжаецца. Новы завод ТАА "АМКАДОР-Агідэль" плануюць запусціць у чэрвені 2023 года ў час Х юбілейнага Форуму рэгіёнаў Расіі і Беларусі, які пройдзе ва Уфе.
На прадпрыемстве плануецца выпуск збожжаачышчальна-сушыльных комплексаў, прызначаных для пасляўборачнай апрацоўкі збожжавых, каласавых, зернебабовых, крупяных і алейных культур, кукурузы з зыходнай вільготнасцю да 35 працэнтаў. Таксама будзе прадугледжана комплексная механізацыя сушкі, ачысткі і пагрузачна-разгрузачных работ.-0-
