29 красавіка, Мінск /Кар. БЕЛТА/. Дасягнуць тавараабароту $1 млрд са Свярдлоўскай вобласцю цалкам рэальна. Такое меркаванне выказаў прэм'ер-міністр Беларусі Раман Галоўчанка ў час сустрэчы з губернатарам Свярдлоўскай вобласці Яўгенам Куйвашавым, паведамляе карэспандэнт БЕЛТА.
Раман Галоўчанка адзначыў, што першы квартал бягучага года ў тавараабароце Беларусі і Свярдлоўскай вобласці аптымістычны. "Да мінулага нядрэннага года мы прыбавілі каля 40 працэнтаў у тавараабароце. Думаю, што лічба $1 млрд цалкам рэальная. Выстаўка "Інапрам" дасць штуршок да гэтага", - адзначыў кіраўнік беларускага ўрада.
У час сустрэчы Яўген Куйвашаў падзякаваў Беларусі за пастаўку партыі тралейбусаў і адзначыў, што гэта беларусы вырабляюць якасны аўтамабільны транспарт.
Раман Галоўчанка ў адказ на гэта заўважыў, што такая тэма цяпер вельмі актуальна на сустрэчах з прадстаўнікамі расійскіх рэгіёнаў. "На сустрэчах у Новасібірскай і Іркуцкай абласцях мы таксама чулі станоўчыя водзывы пра беларускія тралейбусы. Мы бачым жаданне выкарыстоўваць нашы магчымасці ў мадэрнізацыі транспартнай сеткі. Гэта датычыцца ўсіх відаў пасажырскага транспарту: грузавой, камунальнай тэхнікі і інш. У нас па тралейбусах з Екацярынбургам заключаны значны кантракт. Разлічваем, што будзе такі ж рух па іншых напрамках транспарту, напрыклад па камунальнай тэхніцы", - сказаў прэм'ер-міністр.
Кіраўнік урада дадаў, што "БЕЛАЗ" абсалютна спакойна перажыў санкцыйны перыяд. "Мы знайшлі рашэнні па замяшчэнні ўсіх вузлоў, таму пастаўкі растуць цяпер на рынку нават у параўнанні з дасанкцыйным перыядам", - рэзюмаваў ён.
Урадавая дэлегацыя на чале з прэм'ер-міністрам Беларусі Раманам Галоўчанкам з 26 па 28 красавіка наведвала з рабочым візітам тры расійскія рэгіёны - Новарасійскі, Іркуцкі і Свярдлоўскі.-0-
