Сцяг Нядзеля, 16 чэрвеня 2024
Усе навіны
Усе навіны
Эканоміка
27 сакавіка 2023, 16:54

Галоўчанка: Беларусь і Расія выпрацавалі меры стратэгічнага значэння ў адказ на заходнія санкцыі

27 сакавіка, Мінск /Кар. БЕЛТА/. Беларусь і Расія выпрацавалі скаардынаваныя меры стратэгічнага значэння ў адказ на заходнія санкцыі. Аб гэтым заявіў прэм'ер-міністр Беларусі Раман Галоўчанка на пасяджэнні Савета Міністраў Саюзнай дзяржавы ў Маскве, паведамляе карэспандэнт БЕЛТА.

Раман Галоўчанка адзначыў, што гэта першае пасяджэнне Савета Міністраў Саюзнай дзяржавы ў новых геапалітычных умовах. "Гэтыя ўмовы звязаны з беспрэцэдэнтна жорсткімі і незаконнымі мерамі знешняга націску на нашы краіны. Насуперак намерам асобных заходніх палітыкаў нас не накрылі хвалі эканамічных крызісаў. Забяспечаны макраэканамічная стабільнасць і фінансавая ўстойлівасць эканомік Беларусі і Расіі", - заявіў кіраўнік беларускага ўрада.

Ён дадаў, што прамысловыя прадпрыемствы функцыянуюць у штатным рэжыме, нарошчваючы аб'ёмы вытворчасці і фарсіруючы імпартазамяшчальныя працэсы. "У адказ на заходнія санкцыі мы выпрацавалі скаардынаваныя меры стратэгічнага значэння, накіраваныя перш за ўсё на ўмацаванне патэнцыялу Беларусі і Расіі, а таксама далейшае развіццё Саюзнай дзяржавы. Сярод іх - прынцыповае рашэнне аб разліках у расійскіх рублях, зацвярджэнне формы цэнаўтварэння на энерганосьбіты, узгадненне перспектыўных імпартазамяшчальных праектаў, падпісанне шэрага фундаментальных пагадненняў, у тым ліку аб перавалцы нафтапрадуктаў і знешнегандлёвых грузаў, суднаходстве, супрацоўніцтве ў галіне мікраэлектронікі", - канстатаваў Раман Галоўчанка.-0-

Падпісвайцеся на нас у
Twitter
Топ-навіны
Свежыя навіны Беларусі