ДЗЯРЖОРГАНЫДЗЯРЖОРГАНЫ
Флаг Субота, 30 верасня 2023
Мінск Малавоблачна +12°C
Усе навіны
Усе навіны
Эканоміка
07 чэрвеня 2023, 17:51

Галоўчанка: Беларусь і Расія стварылі зладжаную сістэму інтэграцыйнага ўзаемадзеяння

У час сустрэчы
У час сустрэчы

7 чэрвеня, Мінск /Кар. БЕЛТА/. Беларусь і Расія стварылі зладжаную сістэму інтэграцыйнага ўзаемадзеяння. Аб гэтым заявіў прэм'ер-міністр Беларусі Раман Галоўчанка ў час сустрэчы ў Сочы са старшынёй урада Расіі Міхаілам Мішусціным, паведамляе карэспандэнт БЕЛТА.

"На працягу двух гадоў мы выконваем задачы па будаўніцтве зладжанай сістэмы інтэграцыйнага ўзаемадзеяння, выхадзе на больш глыбокую эканамічную інтэграцыю. Гэта работа прадаўжаецца з неаслабным тэмпам. Сфарміравана аб'ёмная двухбаковая нарматыўная прававая база, забяспечана сістэмнае ўзаемадзеянне ва ўсіх галінах - гэта не толькі эканоміка, але і знешняя палітыка, і абаронная сфера. Рэалізуюцца сумесныя праграмы і ажыццяўляюцца праекты ў сферах прамысловасці, атамнай энергетыкі, даследавання касмічнай прасторы і гэтак далей, што асабліва важна на фоне беспрэцэдэнтнага знешняга націску. Створаная намі сістэма паказвае, я лічу, паспяховыя вынікі для эканомік дзвюх краін", - сказаў Раман Галоўчанка.

Нядаўна ў Ніжнім Ноўгарадзе прайшла канферэнцыя "Лічбавая індустрыя прамысловай Расіі". Гэты форум наведала прадстаўнічая беларуская дэлегацыя. "Мы бачым, што цяпер перад нашымі краінамі вельмі шмат новых выклікаў, якія ў тым ліку датычацца лічбавага суверэнітэту і лічбавай трансфармацыі, забеспячэння інфармацыйнай бяспекі нашых краін. Гэтыя цяжкасці зробяць нас і мацней, і разумней. Поспехі гарантаваны, таму што ў аснове ляжыць дружба нашых прэзідэнтаў і народаў", - падкрэсліў прэм'ер-міністр.

Ён адзначыў станоўчыя вынікі ў двухбаковым гандлі і звярнуў увагу, што гэтыя паказчыкі невыпадковыя, яны дасягнуты дзякуючы прынятым мерам. "Мы нацэлены на цесную сумесную работу па абароне рынку Саюзнай дзяржавы. Упэўнены, што мы зможам убудавацца і ў новыя трэнды лічбавай трансфармацыі, аператыўна вырашыўшы пытанні, сярод якіх - узаемнае прызнанне электроннага лічбавага подпісу. Разам з нарматворчасцю мы пачалі рэалізацыю сур'ёзных праектаў у галіне станкабудавання, мікраэлектронікі, авіябудавання. Цяпер гэтыя праграмы знаходзяцца ў актыўнай стадыі адпрацоўкі. Адзначу і актывізацыю нашага супрацоўніцтва з расійскімі рэгіёнамі, парадак дня вельмі разнастайны і насычаны", - рэзюмаваў кіраўнік беларускага ўрада.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі