Сцяг Панядзелак, 27 мая 2024
Усе навіны
Усе навіны
Эканоміка
22 лютага 2023, 13:11

Энергаёмістасць ВУП Беларусі за 2022 год знізілася на 5,1 працэнта

22 лютага, Мінск /Кар. БЕЛТА/. Энергаёмістасць ВУП Беларусі за 2022 год знізілася на 5,1 працэнта. Аб гэтым паведаміў намеснік старшыні Дзяржстандарту - дырэктар Дэпартамента па энергаэфектыўнасці Віталь Крэцкі на падагульняючай калегіі ведамства, перадае карэспандэнт БЕЛТА.

"Кіраўніком дзяржавы ў сферы энергазабеспячэння пастаўлены задачы па стрымліванні росту валавога спажывання паліўна-энергетычных рэсурсаў (ПЭР) і збліжэнні энергаёмістасці валавога ўнутранага прадукту Беларусі з сярэднесусветным значэннем гэтага паказчыка, а таксама максімальна магчымым уключэнні ў паліўны баланс краіны ўласных ПЭР, у тым ліку аднаўляльных крыніц энергіі. Для выканання пастаўленых задач дзяржаўнай праграмай "Энергазабеспячэнне" на 2021-2025 гады ўстаноўлены мэтавыя паказчыкі па рэспубліцы", - сказаў Віталь Крэцкі.

Паводле яго слоў, зводны мэтавы паказчык - паказчык па зніжэнні энергаёмістасці ВУП выкананы па выніках 2022 года і склаў мінус 5,1 працэнта (паводле папярэдніх даных) пры заданні мінус 2,7 працэнта.

"Асноўны ўплыў на перавыкананне паказчыка па зніжэнні энергаёмістасці ВУП аказалі нізкія тэмпы неэнергетычнага выкарыстання паліва (80 працэнтаў), змяншэнне эканамічнай актыўнасці, а таксама рэгуляванне дэпартаментам сумарнага спажывання ПЭР (зніжэнне на 5,5 працэнта), што прывяло да зніжэння валавога спажывання ПЭР на 9,6 працэнта да ўзроўню 2021 года", - расказаў кіраўнік дэпартамента.

Эканомія ПЭР па выніках 2022 года склала 577 тыс. туп, або 96,2 працэнта ад гадавога задання ў аб'ёме 600 тыс. туп. Пры гэтым па выніках работы за 2021-2022 гады рэалізацыя энергаэфектыўных мерапрыемстваў дала магчымасць дасягнуць эканоміі ПЭР у аб'ёме 1262,8 тыс. туп пры заданні 1150 тыс. туп.

"Эфектыўнасць работы ў Беларусі па зніжэнні энергаёмістасці ВУП пацвярджаецца данымі Міжнароднага энергетычнага агенцтва, згодна з якімі ў 2020 годзе фактычны паказчык энергаёмістасці ВУП Беларусі склаў 0,141 т нафтавага эквіваленту на $1 тыс., у 2000 годзе - 0,311 т нафтавага эквіваленту на $1 тыс., гэта значыць знізіўся адносна 2000 года ў 2,2 раза. У гэты ж перыяд аналагічны паказчык сярод прамыслова развітых дзяржаў ЕАЭС, такіх як Расійская Федэрацыя і Казахстан, знізіўся ў 1,5 раза і 1,7 раза адпаведна, у краінах свету - у сярэднім у 1,3 раза", - сказаў Віталь Крэцкі.

Разам з тым энергаёмістасць ВУП рэспублікі застаецца вышэйшай за сярэднесусветнае значэнне на 25,5 працэнта, чым у прамыслова развітых краін у 1,6 раза. У параўнанні з прамыслова развітымі краінамі - членамі ЕАЭС Беларусь займае лідзіруючае становішча.-0-

Падпісвайцеся на нас у
Twitter
Топ-навіны
Свежыя навіны Беларусі