ДЗЯРЖОРГАНЫДЗЯРЖОРГАНЫ
Флаг Субота, 26 лістапада 2022
Мінск -4°C
Усе навіны
Усе навіны
Эканоміка
27 верасня 2022, 11:10

ЕЭК расказала аб развіцці адзінага рынку працы ЕАЭС

Фота eurasiancommission.org
Фота eurasiancommission.org

27 верасня, Масква /Эдуард Півавар - БЕЛТА/. Аб найбольш важных напрамках работы Еўразійскай эканамічнай камісіі па пашырэнні правоў працоўных і павышэнні ўзроўню іх сацыяльнай абароненасці расказаў член Калегіі (міністр) па эканоміцы і фінансавай палітыцы ЕЭК Бакытжан Сагінтаеў на форуме "Еўразійскі дыялог аб рынку працы" ў Бішкеку, паведамілі БЕЛТА ў прэс-службе ЕЭК.

Міністр ЕЭК нагадаў, што сярод найбольш важных дакументаў у гэтай сферы - пагадненне аб пенсійным забеспячэнні працоўных краін ЕАЭС, якое ўступіла ў сілу ў 2021 годзе. Яно стварыла роўныя з грамадзянамі дзяржавы працаўладкавання ўмовы пры фарміраванні, захаванні і рэалізацыі пенсійных правоў, вырашыла пытанні з экспартам пенсій працоўных.

"Таксама важныя папраўкі ўнесены ў Дагавор аб ЕАЭС, яны дадуць магчымасць змяняць мэту ўезду без выезду з дзяржавы знаходжання з мэтай працаўладкавання, забяспечаць прамое прызнанне дакументаў аб адукацыі працоўных па педагогіцы і юрыспрудэнцыі, прадаставяць магчымасць заключэння міжнародных дагавораў у рамках ЕАЭС па прамым прызнанні дакументаў аб вучоных ступенях і вучоных званнях. А ўступленне ў сілу гэтых змяненняў выключыць неабходнасць праходжання дадатковых працэдур у дзяржаве працаўладкавання", - адзначылі ў ЕЭК.

ЕЭК у мэтах прагнозу патрэбнасці эканомік краін ЕАЭС у работніках штогод рыхтуе і размяшчае на сваім сайце пералік найбольш запатрабаваных на адзіным рынку працы прафесій. У далейшым да ўключаных у яго прафесій выпрацоўваюцца кваліфікацыйныя патрабаванні, якія краіны ЕАЭС выкарыстоўваюць пры распрацоўцы сваіх нацыянальных кваліфікацыйных патрабаванняў. "Пералік запатрабаваных прафесій і рэкамендаваныя кваліфікацыйныя патрабаванні да іх - гэта таксама і арыенцір для адукацыйных арганізацый пры фарміраванні сваіх праграм прафесійнай падрыхтоўкі, - падкрэсліў міністр ЕЭК. - Гэта работа накіравана на паслядоўнае збліжэнне ўзроўню кваліфікацый работнікаў для павышэння прадукцыйнасці працы".

"Сёння ЕАЭС - гэта 93 млн работнікаў, якія могуць свабодна працаваць у любой з краін саюза", - дадаў Бакытжан Сагінтаеў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі