ДЗЯРЖОРГАНЫДЗЯРЖОРГАНЫ
Флаг Панядзелак, 30 студзеня 2023
Мінск -1°C
Усе навіны
Усе навіны
Эканоміка
18 лістапада 2022, 09:32

Чарвякоў: па выніках дзесяці месяцаў аднаўленчыя тэндэнцыі ў эканоміцы захоўваюцца

Аляксандр Чарвякоў. Фота з архіва
Аляксандр Чарвякоў. Фота з архіва

18 лістапада, Мінск /Кар. БЕЛТА/. Па выніках дзесяці месяцаў аднаўленчыя тэндэнцыі ў эканоміцы захоўваюцца. Аб гэтым заявіў міністр эканомікі Аляксандр Чарвякоў у час наведвання Бабруйскага раёна, паведамілі БЕЛТА ў прэс-службе Мінэканомікі.

Кіраўнік эканамічнага ведамства выступіў з дакладам аб існуючай сітуацыі і асноўных тэндэнцыях сацыяльна-эканамічнага развіцця перад працоўным калектывам ААТ "Белшына". Як адзначыў Аляксандр Чарвякоў, згодна з аператыўнымі данымі, насуперак санкцыйнаму націску па выніках 10 месяцаў аднаўленчыя тэндэнцыі ў эканоміцы захоўваюцца.

"Асноўным драйверам выступае прамысловасць. У параўнанні са студзенем-вераснем яна прыбавіла 0,2 працэнтнага пункта. Другі месяц запар дадатная дынаміка назіраецца ў прадпрыемстваў Мінпрама - плюс 0,8 працэнтнага пункта да вераснёўскіх вынікаў. Гэтыя поспехі забяспечыла эфектыўная работа флагманаў машынабудавання - МТЗ, "Гомсельмаша", холдынга "БЕЛАЎТАМАЗ" і іншых. Яны прадоўжылі нарошчваць аб'ёмы вытворчасці, і гэта паўплывала на вынікі знешняга гандлю. Пяць месяцаў запар прырастае экспарт тавараў і паслуг. У верасні да жніўня прыбаўка склала 1,2 працэнта. У лідарах - Мінпрам, "Беллегпрам" і "Беллеспаперапрам", - сказаў міністр эканомікі.

Аляксандр Чарвякоў таксама прыняў удзел у нарадзе па актуальных праблемах развіцця дрэваапрацоўкі на пляцоўцы ААТ "ФанДАК". "Па-першае, вельмі важна выпрацаваць адзіную збытавую стратэгію для прадпрыемстваў канцэрна, каб яны не канкурыравалі паміж сабой на рынках, а дапаўнялі адзін аднаго. Па-другое, выпрацаваць меры па павышэнні канкурэнтаздольнасці прадукцыі за кошт зніжэння выдаткаў і аптымізацыі тэхналагічных і бізнес-працэсаў - ад вытворчасці сыравіны да прылаўка", - падкрэсліў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі