ДЗЯРЖОРГАНЫДЗЯРЖОРГАНЫ
Флаг Пятніца, 30 верасня 2022
Мінск Суцэльная воблачнасць +12°C
Усе навіны
Усе навіны
Эканоміка
29 ліпеня 2022, 19:33

Чарвякоў: гарады-спадарожнікі павінны станавіцца эканамічна перспектыўнымі тэрыторыямі з рабочымі месцамі і камфортным жыллём

Фота з архіва
Фота з архіва

29 ліпеня, Мінск /Кар. БЕЛТА/. Гарады-спадарожнікі павінны станавіцца эканамічна перспектыўнымі тэрыторыямі з новымі рабочымі месцамі і камфортным жыллём. Аб гэтым заявіў міністр эканомікі Аляксандр Чарвякоў падчас наведвання Пухавіцкага раёна, паведамілі карэспандэнту БЕЛТА ў прэс-службе Мінэканомікі.

Тыдзень таму Аляксандр Чарвякоў адкрываў з прывітальным словам Форум гарадоў - спадарожнікаў Беларусі ў Жабінцы. І паездка ў Рудзенск стала лагічным працягам вывучэння стану спраў у населеных пунктах з такім статусам.

Кіраўнік ведамства падкрэсліў, што кейс гарадоў-спадарожнікаў - рабочы і эфектыўны. "Комплекснае і паспяховае развіццё гарадоў-спадарожнікаў адлюстроўвае правільнасць выбранай стратэгіі іх стымулявання. Арыентуючыся на лепшыя практыкі, мы павінны ствараць адпаведныя ўмовы ў рэгіёнах краіны, ператвараючы іх у эканамічна перспектыўныя зоны з новымі рабочымі месцамі і камфортнай прасторай для жыцця людзей", - сказаў Аляксандр Чарвякоў.

Асаблівая ўвага міністра была сфакусіравана на стратэгічна важным прыярытэце ў бягучых умовах - імпартазамяшчэнні. У гэтых мэтах ён наведаў ААТ "Рудзенск". Кіраўнік эканамічнага ведамства і кіраўніцтва прадпрыемства абмеркавалі перспектывы рэалізацыі інтэграцыйнага праекта ў рамках Саюзнай дзяржавы.

"Важна, што беспрэцэдэнтныя санкцыі з боку недружалюбных краін становяцца чарговым этапам у развіцці прадпрыемстваў і ствараюць новыя магчымасці для імпартазамяшчэння. Сёння ААТ "Рудзенск" гатова да рэалізацыі стратэгічна важнага праекта па вытворчасці святлотэхнічных аўтакампанентаў новага пакалення. У такой прадукцыі няма аналагаў на айчынным рынку, і яна не ўступае імпартным кампанентам. Таму ў рэалізацыі праекта зацікаўлены і ўдзельнічаюць расійскія партнёры. Са свайго боку ўрад будзе падтрымліваць такія ініцыятывы, асабліва ў рэгіёнах", - адзначыў міністр.

Адным са слупоў збалансаванага тэрытарыяльнага развіцця, на думку Аляксандра Чарвякова, з'яўляецца апераджальнае развіццё інфраструктуры і даступнае камфортнае жыллё. Падрыхтаваны адпаведны генеральны план пасёлка Дружны, дзе прадугледжаны пляцоўкі для будаўніцтва дамоў для жыхароў горада - спадарожніка сталіцы. На заканчэнне сваёй рабочай паездкі міністр эканомікі наведаў адну з такіх зон шматкватэрнай забудовы.

"Каб разгрузіць Мінск і прыцягнуць у такія перспектыўныя раёны, неабходна ў першую чаргу прапанаваць камфортнае і якаснае жыллё з сучаснай інфраструктурай не горшай, чым у сталіцы. У Дружным ёсць патэнцыял для павелічэння насельніцтва больш як на 30 тыс. Але для гэтага неабходна жыллё. Перавагі відавочныя: цана ніжэйшая, чым у Мінску, і блізкасць да сталіцы. Але патрабуецца забяспечыць аператыўную транспартную даступнасць паміж Мінскам і горадам-спадарожнікам. Акрамя таго, для павышэння эканамічнай актыўнасці такіх раёнаў прадугледжваецца падрыхтоўка прамысловых пляцовак для прыцягнення інвестараў і размяшчэння на іх вытворчасцей", - рэзюмаваў міністр эканомікі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі