12 студзеня, Мінск /Кар. БЕЛТА/. Наша задача - знайсці аптымальныя рашэнні, якія дапамогуць інвестару максімальна эфектыўна пачаць сваю дзейнасць у якасці рэзідэнта СЭЗ. Аб гэтым сказаў кіраўнік адміністрацыі СЭЗ "Мінск" Анатоль Бубен у час удзелу ў канферэнцыі "Праектаванне і будаўніцтва на тэрыторыях свабодных эканамічных зон у сучасных эканамічных умовах, што дазваляюць скараціць інвестыцыйны цыкл ад моманту бізнес-ідэі да пачатку вытворчай дзейнасці", якая праходзіць 12-13 студзеня ў Віцебску, паведамілі карэспандэнту БЕЛТА ў прэс-службе СЭЗ.
На дзелавой пляцоўцы СЭЗ сабраліся прадстаўнікі органаў дзяржаўнага кіравання, СЭЗ рэспублікі, а также іжынірынгавых, падрадных і праектных арганізацый.
Эксперты абмяркуюць праблемныя моманты будаўніцтва аб'ектаў на тэрыторыі СЭЗ, актуальныя пытанні, што аказваюць комплексны ўплыў на тэрміны рэалізацыі інвестпраектаў, а таксама сучасныя падыходы ў праектаванні аб'ектаў.
"Сёння шлях рэзідэнта СЭЗ да старту вытворчай дзейнасці даволі доўгі, паколькі ад пачатку рэалізацыі інвестпраекта да ўводу аб'екта ў эксплуатацыю дзейнічае шэраг абавязковых працэдур, рэалізаваць якія паралельна або адмовіцца ад часткі з іх немагчыма. І калі інвестар заходзіць на greenfield-участак, то тэрмін рэалізацыі праекта складае ад двух гадоў, а гэта немалы тэрмін, - адзначыў кіраўнік адміністрацыі СЭЗ "Мінск" Анатоль Бубен. - І наша задача - знайсці аптымальныя рашэнні, якія дапамогуць інвестару максімальна эфектыўна пачаць сваю дзейнасць у якасці рэзідэнта СЭЗ".
Прапановы, выпрацаваныя па выніках канферэнцыі, плануецца ўнесці ў адпаведныя дзяржаўныя органы для іх рэалізацыі.-0-
