3 студзеня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Кітайскай Народнай Рэспубліцы Юрый Сянько правёў сустрэчу з генеральным дырэктарам СЗАТ "Кампанія па развіцці індустрыяльнага парка" Лі Чжунханем. Аб гэтым карэспандэнту БЕЛТА расказалі ў пасольстве Рэспублікі Беларусь у Кітаі.
Бакі абмеркавалі дасягнутыя ў 2022 годзе вынікі ўзаемадзеяння, у тым ліку развіццё праекта нацыянальных павільёнаў Беларусі на электронных платформах Кітая, а таксама план супрацоўніцтва на 2023 год.
Юрый Сянько падкрэсліў, што, нягледзячы на ўскладненую эпідэмічную абстаноўку, двухбаковае супрацоўніцтва ў сферы электроннай камерцыі актыўна развіваецца. Лі Чжунхань адзначыў, што за першыя паўгода работы беларускага нацыянальнага павільёна колькасць падпісчыкаў сярод кітайскіх спажыўцоў склала звыш 670 тыс. чалавек, а агульная колькасць праглядаў перасягнула 3 млн чалавек.
У рамках сустрэчы адбылася цырымонія ўручэння ўзгадненняў па адкрыцці электронных нацыянальных павільёнаў беларускіх тавараў на 7 новых электронных пляцоўках.
З ліпеня 2022 года нацыянальныя павільёны Беларусі працуюць на электронных пляцоўках Douyin і JD.com.-0-
