5 мая, Мінск /Кар. БЕЛТА/. Беларусь і кітайскі Спецыяльны адміністрацыйны раён Ганконг будуць развіваць гандлёва-эканамічнае супрацоўніцтва. Аб гэтым карэспандэнту БЕЛТА расказалі ў беларускім пасольстве ў Кітаі.
Аб пашырэнні кантактаў ішла размова на сустрэчы кіраўніка беларускай дыпламатычнай місіі ў КНР Юрыя Сянько з кіраўніком урада кітайскага Спецыяльнага адміністрацыйнага раёна Ганконг Джонам Кейсі Лі. Бакі разгледзелі актуальныя пытанні гандлёва-эканамічнага, фінансавага, міжбанкаўскага, інвестыцыйнага і гуманітарнага ўзаемадзеяння паміж Беларуссю і кітайскім САР Ганконг.
У тым ліку размова ішла аб рэалізацыі сумесных праектаў на пляцоўцы Кітайска-беларускага індустрыяльнага парка "Вялікі камень".
Спецыяльны адміністрацыйны раён Кітайскай Народнай Рэспублікі Ганконг (Сянган) - адзін з вядучых сусветных фінансавых цэнтраў. Да 1997 года - калонія Вялікабрытаніі. Насельніцтва складае 7,3 млн чалавек. ВУП у 2022 годзе - $363,4 млрд, на душу насельніцтва - $49,4 тыс. На сферу паслуг прыпадае каля 93 працэнтаў ВУП, у сувязі з чым яго эканоміка лічыцца самай "паслуга-арыентаванай" у свеце. Ганконгская біржа з'яўляецца адной з буйнейшых у свеце, на ёй зарэгістраваны 2234 кампаніі з агульнай капіталізацыяй $4,46 трлн.-0-
