18 мая, Мінск /Кар. БЕЛТА/. Беларусь і Кітай абмеркавалі пашырэнне наменклатуры ўзаемных паставак, паведамілі БЕЛТА ў Беларускай гандлёва-прамысловай палаце.
У Беларускай гандлёва-прамысловай палаце адбылася сустрэча намесніка старшыні БелГПП Дзяніса Мялешкіна з намеснікам старшыні Кітайскага камітэта па садзейнічанні міжнароднаму гандлю правінцыі Хэйлунцзян спадарыняй Юй Сюесун.
У ходзе сустрэчы былі разгледжаны актуальныя пытанні беларуска-кітайскага супрацоўніцтва ў гандлёва-эканамічнай сферы, перспектывы актывізацыі кантактаў паміж дзелавымі коламі, пашырэння наменклатуры ўзаемных паставак, магчымасці арганізацыі мерапрыемстваў з удзелам бізнесу дзвюх краін.
Дзяніс Мялешкін запрасіў прадстаўнікоў кітайскіх прадпрыемстваў прыняць удзел у міжнароднай выстаўцы "Белагра", а таксама наведаць нацыянальную экспазіцыю Беларусі на міжнароднай прамысловай выстаўцы "Інапрам" і на Кітайскай міжнароднай выстаўцы імпарту ў Шанхаі.
Беларускі бок таксама звярнуўся да прадстаўнікоў Кітайскага камітэта па садзейнічанні міжнароднаму гандлю з просьбай дапамагчы ў пошуку кандыдатуры прадстаўніка БелГПП у правінцыі Хэйлунцзян.-0-
