ДЗЯРЖОРГАНЫДЗЯРЖОРГАНЫ
Флаг Панядзелак, 28 лістапада 2022
Мінск -3°C
Усе навіны
Усе навіны
Каментарыі
24 жніўня 2022, 11:01
Андрэй Капыток

Якія задачы стаяць перад бізнесам у новых умовах

Андрэй Капыток
Андрэй Капыток
Старшыня вышэйшага каардынацыйнага савета Саюза юрыдычных асоб "Рэспубліканская канфедэрацыя прадпрымальніцтва"

Нягледзячы на палітычны і эканамічны націск, беларускаму бізнесу ўдаецца пераадольваць усе цяжкасці і развівацца. У прыватнасці, Рэспубліканская канфедэрацыя прадпрымальніцтва - адна з буйнейшых бізнес-асацыяцый краіны - садзейнічае развіццю малога, сярэдняга і буйнога бізнесу, дзелавога асяроддзя і бізнес-клімату. Аб рабоце гэтай арганізацыі, падрыхтоўцы Нацыянальнай платформы бізнесу Беларусі, а таксама аб запланаванай сустрэчы бізнес-супольнасці з Прэзідэнтам краіны расказаў карэспандэнту БЕЛТА старшыня вышэйшага каардынацыйнага савета Саюза юрыдычных асоб "Рэспубліканская канфедэрацыя прадпрымальніцтва" Андрэй Капыток.

"У гэтым годзе канфедэрацыя адзначае 15-гадовы юбілей. І цяпер наша ключавая задача - гэта актыўнае развіццё міжнароднага супрацоўніцтва, а таксама выбудоўванне канструктыўнага дыялогу ў галіне эканамічнага, культурнага, сацыяльнага і адукацыйнага працэсу", - падкрэсліў Андрэй Капыток.

Паводле яго слоў, за апошні год канфедэрацыяй было праведзена звыш 600 дзелавых сустрэч. Асноўная тэматыка: абарона правоў і прадстаўленне інтарэсаў членаў арганізацыі, развіццё прадпрымальніцтва і эканамічнага патэнцыялу краіны, канструктыўны дыялог з уладай, абмеркаванне нарматыўных прававых актаў, рэалізацыя розных праектаў. "У прыватнасці, канфедэрацыяй было разгледжана каля 80 праектаў нарматыўных прававых актаў з унясеннем заўваг і прапаноў", - дадаў старшыня.

Ва ўсіх абласных цэнтрах Беларусі канфедэрацыя штогод арганізуе Адзіны дзень прыёму прадпрымальнікаў. "Напрыклад, у верасні мінулага года было арганізавана пасяджэнне грамадскіх прыёмных з удзелам прадстаўнікоў Генеральнай пракуратуры, бізнесу, некамерцыйных арганізацый і дзяржаўных структур. У бягучым годзе Дзень прыёму прадпрымальнікаў па пытанні актуальных праблем беларускага бізнесу пройдзе ў Мінску 25 жніўня", - расказаў Андрэй Капыток.

Канфедэрацыя падпісала пагадненні аб супрацоўніцтве з Міністэрствам па падатках і зборах, Беларускай федэрацыяй каратэ. Таксама выпрацавана канцэпцыя ўзаемадзеяння з Генеральнай пракуратурай і Следчым камітэтам. "У рамках афіцыйнага візіту дэлегацыі Рэспубліканскай канфедэрацыі прадпрымальніцтва ў Маскву ў чэрвені быў падпісаны мемарандум аб супрацоўніцтве з Агульнарасійскай грамадскай арганізацыяй "Дзелавая Расія", - звярнуў увагу кіраўнік.

"У 2021 годзе для развіцця знешнеэканамічнага супрацоўніцтва канфедэрацыяй было арганізавана пяць міжнародных выездаў з удзелам 49 чалавек, прыняты ўдзел у пяці міжнародных мерапрыемствах у фармаце анлайн, у вочным фармаце - у шасці міжнародных эканамічных форумах, выстаўках, пасяджэннях і канферэнцыях у чатырох краінах. Таксама за апошні год канфедэрацыю наведала 12 замежных дэлегацый, у тым ліку з Расійскай Федэрацыі (Рэспубліка Саха, Мардовія, Омск, Башкортастан, Каломна, Смаленск, Алтайскі край), Германіі, Кітая, Латвіі, Італіі, Літвы", - расказаў Андрэй Капыток.

Пры непасрэдным садзейнічанні канфедэрацыі і факультэта менеджменту Лодзінскага ўніверсітэта з верасня па снежань мінулага года быў арганізаваны навучальны пілотны праект The Global Mini MBA - "Кіраванне малым бізнесам".

Адным з флагманскіх праектаў канфедэрацыі з'яўляецца Беларускі тыдзень прадпрымальніцтва, які ў 2022 годзе прайшоў з 21 па 27 сакавіка. "У рамках дзелавой праграмы мерапрыемства ва ўсіх абласцях краіны і ў Мінску было праведзена больш за 150 семінараў, канферэнцый, абмеркаванняў у фармаце круглых сталоў і панэльных дыскусій, удзельнікі якіх разгледзелі актуальныя пытанні і прыярытэтныя напрамкі развіцця прадпрымальніцтва ў Беларусі ва ўмовах санкцый. Важнейшым мерапрыемствам Тыдня стаў IV Рэспубліканскі дзелавы форум "Развіццё прадпрымальніцтва ў Беларусі: кансалідацыя, стратэгія і тактыка", які прайшоў у Нацыянальнай бібліятэцы", - адзначыў ён.

Таксама значнай падзеяй форуму, накіраванай на стымуляванне рэгіянальных дзелавых ініцыятыў, аптымізацыю дыялогу ўлады, бізнесу і грамадства на мясцовым узроўні стала цырымонія ўзнагароджання пераможцаў конкурсу "Лепшы горад (раён) і вобласць для бізнесу Беларусі", які праводзіцца сумесна з галіновымі і рэгіянальнымі асацыяцыямі з 2008 года. У рамках 14-га этапу правядзення конкурсу прынялі ўдзел усе 143 адміністрацыі Беларусі раённага, гарадскога і абласнога ўзроўняў.

Акрамя таго, на форуме былі прадэманстраваны вынікі 17-га этапу вымярэння індэкса дзелавога аптымізму - штогадовага апытання суб'ектаў прыватнага бізнесу, праводзімага канфедэрацыяй.

"Наша канфедэрацыя пачала напісанне анансаванага на IV Рэспубліканскім дзелавым форуме праекта Нацыянальнай платформы бізнесу Беларусі. Цяпер у гэтай рабоце прымаюць удзел больш за 40 рэгіянальных і галіновых асацыяцый і саюзаў, тры тэхнапаркі, дзевяць цэнтраў падтрымкі прадпрымальніцтва, дзевяць камерцыйных арганізацый, 15 устаноў навукі і адукацыі. Усяго - 77 прадстаўнікоў дзелавой супольнасці. Канфедэрацыя гатова прадставіць Нацыянальную платформу бізнесу Беларусі на сустрэчы з Прэзідэнтам краіны", - паведаміў старшыня.

БЕЛТА.-0-

Топ-навіны
З НАМІ НАЙБОЛЬШ ЦІКАВА
Свежыя навіны Беларусі