Скрыншот відэа тэлеканала "Беларусь 1"
21 сакавіка, Мінск /Кар. БЕЛТА/. Усе эканамічныя працэсы і галіны павінны быць збалансаваны. Аб гэтым сказаў першы намеснік міністра эканомікі Андрэй Картун у праграме "Эканамічнае асяроддзе" на тэлеканале "Беларусь 1", паведамляе БЕЛТА.
Паводле слоў першага намесніка міністра, эканамічная бяспека, як правіла, мае на ўвазе магчымасць эканомікі рэагаваць на знешнія і ўнутраныя пагрозы, рызыкі і выклікі. "Асноўны прынцып - усе эканамічныя працэсы і галіны павінны быць збалансаваны. Калі нейкая адна выпадае, то гэта негатыўна ўплывае на іншыя сферы. Класічныя індыкатары здароўя эканомікі ў сусветнай практыцы для ўсіх аднолькавыя: доля бюджэту ў ВУП, суадносіны дзярждоўгу да ВУП, узровень інфляцыі. Прымяняецца шырокі набор індыкатараў для таго, каб бачыць агульны стан эканомікі. Пры гэтым важна разумець, што стаіць за станоўчым індыкатарам, ці мае месца кан'юнктурны фактар, без якога сітуацыя будзе горшай. Гэта варта ўлічваць і своечасова прымаць неабходныя меры па прынцыпе святлафора: індыкатар у жоўтай зоне - пачынаем ужо рэагаваць", - сказаў Андрэй Картун.
Гаворачы аб інструментах забеспячэння эканамічнай бяспекі, ён згадаў аб змененых падыходах да планавання. "У 2022 годзе эканамічнаму блоку давялося перабудоўваць сваю работу, прымаць рашэнні тут і цяпер. Пры Саўміне быў створаны аператыўна-сітуацыйны штаб, дзе ў рэжыме 24/7 мы сумесна знаходзілі вырашэнне праблемных пытанняў галін і прадпрыемстваў. Для нашай сістэмы кіравання гэта быў унікальны вопыт. Пры фарміраванні гадавых прагнозаў быў узяты на ўзбраенне мабілізацыйны прынцып: ацэньваем свае магчымасці, рэсурсы, кампетэнцыі, вызначаем, чаго не хапае і што трэба аператыўна асвоіць і развіць, каб процістаяць існуючым пагрозам", - дадаў першы намеснік кіраўніка эканамічнага ведамства.
"З гэтай мэтай мы трэці год запар распрацоўваем мэтавы план, у якім задаём арыенціры развіцця эканомікі. У прыватнасці, у 2023 годзе стаяла задача выйсці на тэмп росту ВУП 103,8 працэнта, узроўню рэальных даходаў насельніцтва - 104,1 працэнта і г.д. Далей сумесна з зацікаўленымі ведамствамі складаем своеасаблівы задачнік, выкананне якога і прывядзе да дасягнення пастаўленай мэты. Гэты падыход даказаў сваю эфектыўнасць. Мы маем намер яго прымяняць і ў сярэднетэрміновай перспектыве, пры фарміраванні праграмы сацыяльна-эканамічнага развіцця краіны на наступнае пяцігоддзе", - падкрэсліў Андрэй Картун.-0-
Паводле слоў першага намесніка міністра, эканамічная бяспека, як правіла, мае на ўвазе магчымасць эканомікі рэагаваць на знешнія і ўнутраныя пагрозы, рызыкі і выклікі. "Асноўны прынцып - усе эканамічныя працэсы і галіны павінны быць збалансаваны. Калі нейкая адна выпадае, то гэта негатыўна ўплывае на іншыя сферы. Класічныя індыкатары здароўя эканомікі ў сусветнай практыцы для ўсіх аднолькавыя: доля бюджэту ў ВУП, суадносіны дзярждоўгу да ВУП, узровень інфляцыі. Прымяняецца шырокі набор індыкатараў для таго, каб бачыць агульны стан эканомікі. Пры гэтым важна разумець, што стаіць за станоўчым індыкатарам, ці мае месца кан'юнктурны фактар, без якога сітуацыя будзе горшай. Гэта варта ўлічваць і своечасова прымаць неабходныя меры па прынцыпе святлафора: індыкатар у жоўтай зоне - пачынаем ужо рэагаваць", - сказаў Андрэй Картун.
Гаворачы аб інструментах забеспячэння эканамічнай бяспекі, ён згадаў аб змененых падыходах да планавання. "У 2022 годзе эканамічнаму блоку давялося перабудоўваць сваю работу, прымаць рашэнні тут і цяпер. Пры Саўміне быў створаны аператыўна-сітуацыйны штаб, дзе ў рэжыме 24/7 мы сумесна знаходзілі вырашэнне праблемных пытанняў галін і прадпрыемстваў. Для нашай сістэмы кіравання гэта быў унікальны вопыт. Пры фарміраванні гадавых прагнозаў быў узяты на ўзбраенне мабілізацыйны прынцып: ацэньваем свае магчымасці, рэсурсы, кампетэнцыі, вызначаем, чаго не хапае і што трэба аператыўна асвоіць і развіць, каб процістаяць існуючым пагрозам", - дадаў першы намеснік кіраўніка эканамічнага ведамства.
"З гэтай мэтай мы трэці год запар распрацоўваем мэтавы план, у якім задаём арыенціры развіцця эканомікі. У прыватнасці, у 2023 годзе стаяла задача выйсці на тэмп росту ВУП 103,8 працэнта, узроўню рэальных даходаў насельніцтва - 104,1 працэнта і г.д. Далей сумесна з зацікаўленымі ведамствамі складаем своеасаблівы задачнік, выкананне якога і прывядзе да дасягнення пастаўленай мэты. Гэты падыход даказаў сваю эфектыўнасць. Мы маем намер яго прымяняць і ў сярэднетэрміновай перспектыве, пры фарміраванні праграмы сацыяльна-эканамічнага развіцця краіны на наступнае пяцігоддзе", - падкрэсліў Андрэй Картун.-0-
